ఉస్మానియాలో మహిళామణుల సంబరాలు

ఉస్మానియా యూనివర్సిటీలో అంతర్జాతీయ మహిళా దినోత్సవాన్ని ఘనంగా నిర్వహించారు. వివిధ రంగాలకు చెందిన ప్రముఖ మహిళా మణులంతా కలిసి కేక్ కట్ చేసుకుని శుభాకాంక్షలు తెలుపుకున్నారు.

హైదరాబాద్ ఉ​స్మానియా యూనివర్సిటీ దూర విద్య(డిస్టెన్స్ ఎడ్యుకేషన్​)​ విభాగంలో గ్రీన్ ఇండియా సొసైటీ ఆధ్వర్యంలో మహిళా దినోత్సవాన్ని జరిపారు. ఈ కార్యక్రమంలో ఏపీ మహిళా కమిషన్​ ఛైర్ పర్సన్ త్రిపురాన వెంకటరత్నం, ఆధ్యాత్మిక గురు మాత సహస్ర శివశక్తి, గ్రీన్​ ఇండియా సొసైటీ ఛైర్మన్​ ముఖ్య అతిథిలుగా పాల్గొన్నారు. సాంస్కృతిక కార్యక్రమాలు అలరించాయి.

మహిళలను చైతన్యం చేయడానికి సంస్థ ద్వారా అనేక సాంఘిక సంక్షేమ కార్యక్రమాలు చేపట్టామని గ్రీన్ ఇండియా సొసైటీ ఛైర్మపర్సన్​ జ్యోతి పేర్కొన్నారు. మహిళా సేవా కార్యక్రమాల్లో పాల్గొని వారి అభ్యుత్నతికి కృషి చేసినవారికి ఈ సందర్భంగా బహుమతులు ప్రధానం చేశారు. తెలుగు రాష్ట్రాల్లోని వివిధ రంగాలకు చేందిన ప్రముఖ మహిళా మణులు కార్యక్రమంలో పాల్గొన్నారు.

ఇదీ చూడండి:సినిమాలో విలన్లు ఐఫోన్​ అందుకే వాడరట