పోలీస్​స్టేషన్​లో మహిళపై ఎస్సై దాడి

ఓ కేసు విషయమై ఫిర్యాదు చేసేందుకు వెళితే ఎస్సై విచక్షణారహితంగా కొట్టాడని ఆరోపిస్తూ... ఏపీలోని తిరుపతిలో ఓ మహిళ ఆందోళన చేసింది. నగరంలోని ఎమ్మార్ పల్లి పోలీస్​స్టేషన్ ఎదుట తన సోదరితో కలిసి నిరసన చేపట్టిన బాధితురాలు... తనకు న్యాయం జరిగే వరకూ కదిలేది లేదంటూ ఠాణా ఎదుట బైఠాయించింది.

ఏపీలోని తిరుపతిలో ఉప్పరపల్లెకు చెందిన వనితావాణి... ఆటో నడపుతూ జీవనం సాగిస్తోంది. ఇంటి వద్ద పొరుగు వారితో ఏర్పడిన ఘర్షణపై పోలీసులకు ఫిర్యాదు చేసేందుకు ఎమ్మార్​పల్లి పోలీస్​స్టేషన్​కు వెళ్లింది. స్టేషన్ ఎస్సై ప్రకాశ్​​ను కలవగా... వెంటనే స్టేషన్ నుంచి బయటకు పొమ్మంటూ తనపై దాడికి పాల్పడ్డాడని వాపోయింది.

ఎస్సై అనుచిత ప్రవర్తనతో ఆవేదన చెందిన బాధితురాలు...న్యాయం చేయాలంటూ తన సోదరితో కలిసి ఠాణా ఎదుట బైఠాయించింది. బాధితురాలితో మాట్లాడిన సీఐ సురేంద్రనాథ్​రెడ్డి... ఈ ఘటనపై విచారణ చేయిస్తామని హామీ ఇచ్చారు.

• ఇదీ చదవండి :ఇక ఖమ్మం వంతు.. అధికార విపక్షాల వ్యూహాలు షురూ..