"నా బండినే గుద్దుతావా..? కిందకు దిగరా నువ్వు.." బస్సు డ్రైవర్​పై మహిళ దాడి

WOMAN ATTACK ON BUS DRIVER: ఆర్టీసీ డ్రైవర్లపై రోజురోజుకూ దాడులు పెరుగుతున్నాయి. బండి పక్కకు తీయమన్నందుకు కొందరు.. నన్నే దాటేస్తావా అంటూ మరికొందరు అసభ్య పదజాలంతో దూషించడం, దాడులు చేయడం ఎక్కువైంది. ఏపీలోని విజయవాడ​లో గత నెలలో ఓ ఇద్దరు యువకులు బస్సు డ్రైవర్​పై దాడి చేసిన ఘటన మరువక ముందే.. అలాంటిదే మరో ఘటన చోటుచేసుకుంది. కానీ ఈసారి దాడి చేసింది మాత్రం ఓ మహిళ.

WOMAN ATTACK ON BUS DRIVER: వాహనం చేతిలో ఉంటే చాలు.. మాకు ఎవరితో పని లేదు అనుకుంటున్నారు నేటి యువత. వాళ్లకు ఎవరైనా అడ్డం వచ్చినా లేక వారి బండిని ఓవర్​ టేక్​ చేసినా.. వాళ్ల అంతుచూసే దాకా ఆగడం లేదు. మనుషులమనే విచక్షణ కోల్పోయి.. దాడి చేస్తున్నారు. మొన్న హైదరాబాద్​లో ఆటోను పక్కకు తీయమన్నందుకు ఓ డ్రైవర్​ విచక్షణ కోల్పోయి.. బస్సు డ్రైవర్​పై దాడి చేశాడు. ఈ ఘటన మరువక ముందే విజయవాడలో ఇలాంటి తరహా ఘటనే చోటుచేసుకుంది. నా బండినే గుద్దుతావా అని ఓ మహిళ బస్సు డ్రైవర్​పై దాడి చేసింది.

అసలేం జరిగిందంటే: విజయవాడలోని కంట్రోల్‌ రూమ్‌ సమీపంలో ఆర్టీసీ బస్సు.. తన బైకును ఢీకొట్టిందంటూ ఓ మహిళ తీవ్ర ఆగ్రహం వ్యక్తం చేసింది. ఈ క్రమంలో కోపంతో ఊగిపోతూ బస్సును ఆపింది. అనంతరం బస్సు డ్రైవర్‌ను చితకబాదింది. విషయం తెలుసుకున్న పోలీసులు ఘటనపై విచారణ జరుపుతున్నట్లు సమాచారం.

ఇవీ చూడండి: