CM Jagan Request to PM: విభజనతో నష్టపోయాం.. ప్రత్యేక హోదా ఇవ్వండి.. మోదీకి జగన్ విజ్ఞప్తి

CM Jagan Request to PM: ఏపీకి ప్రత్యేక హోదా ఇవ్వాలని ప్రధాని మోదీని ఆ రాష్ట్ర ముఖ్యమంత్రి జగన్మోహన్​రెడ్డి కోరారు. రాష్ట్ర పర్యటనకు వచ్చి తిరిగి వెళ్తున్న సమయంలో సీఎం జగన్​... మోదీకి వినతి పత్రం అందజేశారు. అందులో పలు విషయాలను పేర్కొన్నారు.

CM Jagan Request to PM: విభజన వల్ల దెబ్బతిన్న ఆంధ్రప్రదేశ్‌ తిరిగి కోలుకునేందుకు ప్రత్యేక హోదా ఇవ్వాలని ఏపీ సీఎం వైఎస్‌ జగన్‌ మోహన్‌రెడ్డి ప్రధాని నరేంద్రమోదీని కోరారు. తెలంగాణ డిస్కంలు ఆంధ్రప్రదేశ్‌కు చెల్లించాల్సిన రూ. 6,627 కోట్ల బకాయిలను వెంటనే ఇప్పించేలా చర్యలు తీసుకోవాలని జగన్‌ విజ్ఞప్తి చేశారు. ఈ మేరకు ప్రధాని నరేంద్రమోదీకి సీఎం జగన్‌ వినతి పత్రం అందించారు. రీసోర్స్ గ్యాప్‌ గ్రాంట్‌ అంశాన్ని ప్రధాని మోదీ దృష్టికి తీసుకెళ్లిన జగన్‌.. గ్రాంట్‌లో భాగంగా రావాల్సిన రూ.34,125 కోట్లు ఇవ్వాలని మోదీని కోరారు. పోలవరం ప్రాజెక్టుకు సంబంధించి సవరించిన అంచనాలు రూ.55,548 కోట్లకు ఆమోదం తెలపాలని సీఎం విజ్ఞప్తి చేశారు.

జాతీయ ఆహార భద్రత చట్టం కింద ఇచ్చే రేషన్‌లో హేతుబద్ధత లేదని.. దీని వల్ల రాష్ట్రానికి తీవ్ర నష్టం జరుగుతోందన్నారు. చట్టాన్ని సవరించి ఆంధ్రప్రదేశ్‌కి మేలు చేసే విధంగా చర్యలు తీసుకోవాలని కోరారు. కొత్త వైద్యకళాశాలలకు తగిన ఆర్థిక సాయం, విజయనగరం జిల్లాలోని భోగాపురం విమానాశ్రయానికి క్లియరెన్స్, ఏపీఎండీసీకి ఇనుప గనుల కేటాయింపుపై సత్వర చర్యలు తీసుకోవాలని విజ్ఞప్తి చేశారు.

ఇవీ చదవండి: