రాంగ్ పార్కింగ్​ను ప్రశ్నించినందుకు... సెల్​ఫోన్ పగలగొట్టేసింది!

రాంగ్ పార్కింగ్ ఎందుకు చేశారని ప్రశ్నించినందుకు ట్రాఫిక్ కానిస్టేబుల్​తో ఓ మహిళ దురుసుగా ప్రవర్తించింది. తన కారును ఎందుకు లాక్​ చేశారంటూ ఎదురు ప్రశ్నించింది.

విజయవాడలో రాంగ్ పార్కింగ్ చేశారని ప్రశ్నించినందుకు ట్రాఫిక్ కానిస్టేబుల్​తో ఓ మహిళ దురుసుగా ప్రవర్తించింది. బెంజ్ సర్కిల్​కు సమీపంలో నిబంధనలకు విరుద్ధంగా ఓ మహిళ రోడ్డుపై కారును నిలిపింది. అక్కడ విధులు నిర్వహిస్తున్న ట్రాఫిక్ కానిస్టేబుల్ రాము... కారు చక్రానికి లాక్ వేశారు. మహిళ కారు వద్దకు వచ్చిన తర్వాత ఆమెను డ్రైవింగ్ లైసెన్స్ అడిగితే.. ఇవ్వకపోగా కానిస్టేబుల్​తో​ వాగ్వావాదానికి దిగింది. కానిస్టేబుల్ సెల్ ఫోన్​ను ధ్వంసం చేసింది. వ్యవహారంపై... కానిస్టేబుల్ రాము స్థానిక పోలీసులకు ఫిర్యాదు చేశారు.

ఇవీ చూడండి: 'నగర వ్యాప్తంగా పది లక్షల సీసీ కెమెరాల ఏర్పాటే లక్ష్యం'