హైదరాబాద్​ కలెక్టరేట్​ ఎదుట విద్యా వాలంటీర్ల ధర్నా

హైదరాబాద్​ నాంపల్లిలోని కలెక్టర్​ కార్యాలయం ఎదుట నిరుద్యోగ ఐకాశ ఆధ్వర్యంలో విద్యా వాలంటీర్లు ధర్నా నిర్వహించారు. పెండింగ్​లో ఉన్న వేతనాలు చెల్లించాలని డిమాండ్​ చేశారు.

పెండింగ్​లో ఉన్న విద్యా వాలంటీర్ల వేతనాలు చెల్లించాలని డిమాండ్​ చేస్తూ నిరుద్యోగ ఐకాస ఆధ్వర్యంలో హైదరాబాద్​ నాంపల్లిలోని కలెక్టర్​ కార్యాలయం ఎదుట ధర్నా నిర్వహించారు. ఈ ఏడాది జనవరి నుంచి మార్చి వరకు రావాల్సిన వేతనాలు ప్రభుత్వం విడుదల చేయకపోగా కరోనా లాంటి విపత్కర పరిస్థితుల్లో తమ జీవనం కుదేలైందని వారు ఆవేదన వ్యక్తం చేశారు.

ఎన్నోసార్లు సంబంధిత అధికారులతో గోడు చెప్పుకున్న పట్టించుకోవట్లేదని ఐకాస ఛైర్మన్​ నీల వెంకటేష్ వాపోయారు. ఇప్పటికైనా సీఎం కేసీఆర్​ జోక్యం చేసుకుని తమను ఆదుకోవాలని వెంకటేష్​ కోరారు.

ఇదీ చదవండిఃదుబ్బాక గెలుపుపై పార్టీల ధీమా... మెజార్టీ లెక్కల్లో నేతలు