పది రోజుల పాటు వైకుంఠ ద్వార దర్శనానికి అవకాశం కల్పించిన తితిదే.. సర్వదర్శన టోకెన్లను తిరుపతి వారికే జారీ చేస్తోంది. డిసెంబర్‌ 25 నుంచి జనవరి 3 వరకు రోజుకు పదివేల మంది చొప్పున పది రోజుల పాటు లక్ష మంది భక్తులు శ్రీవారిని దర్శించుకొనేందుకు వీలుగా చర్యలు చేపట్టింది. కిందటేడాది వరకు ఏకాదశి, ద్వాదశి రోజుల్లో మాత్రమే వైకుంఠ ద్వార దర్శనాలు కల్పించిన తితిదే... ఈ ఏడాది నుంచి సంప్రదాయాన్ని మారుస్తూ పది రోజుల పాటు వైకుంఠ ద్వారం తెరవాలని నిర్ణయం తీసుకొంది.
వైకుంఠ ద్వారం నుంచి దాదాపు మూడున్నర లక్షల మంది భక్తులు తిరుమల శ్రీవారిని దర్శించుకొనేందుకు వీలు ఏర్పడింది. ఇప్పటికే 2 లక్షల ప్రత్యేక ప్రవేశ దర్శన టికెట్లను ఆన్‌లైన్‌ ద్వారా భక్తులకు అందచేసిన తితిదే.... సర్వదర్శన టోకెన్ల జారీ ఉదయం ఆరు గంటల నుంచి ప్రారంభించింది. కరోనా నేపథ్యంలో భౌతిక దూరం పాటిస్తూ టోకెన్లు తీసుకొనేందుకు వీలుగా కేంద్రాల్లో బారికేడ్లు ఏర్పాట్లు చేసింది.
ఇతర ప్రాంతాల ప్రజలు రావొద్దు...