'కేవలం కొత్త రెవెన్యూ చట్టం ఆమోదం కోసమే సమావేశాలా?'

అసెంబ్లీ సమావేశాలు అర్ధాంతరంగా ముగించటంపై కాంగ్రెస్​ సీనియర్​ నేత వీహెచ్​ ధ్వజమెత్తారు. కేవలం కొత్త రెవెన్యూ చట్టం ఆమోదం కోసమే సమావేశాలు పెట్టారా అని నిలదీశారు.

అసెంబ్లీ సమావేశాలు అర్ధాంతరంగా ముగించడమేంటని మాజీ ఎంపీ వి. హనుమంతరావు మండిపడ్డారు. అసెంబ్లీలో చర్చించాల్సిన సమస్యలు అనేకం ఉన్నాయని... ప్రతిపక్షాలకు మాట్లాడే అవకాశం ఇవ్వడంలేదని వీహెచ్​ ఆరోపించారు. కేవలం కొత్త రెవెన్యూ చట్టం ఆమోదం కోసమే అసెంబ్లీ సమావేశాలు పెట్టారని ఆక్షేపించారు.

రెవెన్యూ చట్టం ఆమోదం పొందగానే సమావేశాలను అర్ధాంతరంగా ముగిస్తున్నారని దుయ్యబట్టారు. కరోనా వల్ల ప్రజలు ఎదుర్కొంటున్న సమస్యలు, నిరుద్యోగ సమస్యలపై చర్చించాల్సిన అవసరముందని​ తెలిపారు. సంఖ్యాపరంగా మాట్లాడే అవకాశం ఇవ్వడం సరైంది కాదని హనుమంతరావు అభిప్రాయపడ్డారు.

ఇదీ చూడండి:'అసెంబ్లీపై జెండా ఎగరేయడమే లక్ష్యంగా పనిచేద్దాం'