V-EPIQ theatre closed: ఆసియాలోనే అతిపెద్ద సినిమా థియేటర్​ మూసివేత..!

Nellore v-epiq theater closed: ఏపీలో సినిమా టికెట్ల ధరల తగ్గింపు నిర్ణయం థియేటర్లపై తీవ్రంగా పడింది. ధరల తగ్గింపుతో నిర్వహణ ఖర్చులు కూడా వెళ్లదీయలేమని పలు థియేటర్లను స్వచ్ఛందంగా యాజమాన్యాలు మూసివేయగా.. తాజాగా ఆసియాలోనే అతి పెద్ద థియేటర్​ వి-ఎపిక్ అనే మల్టీప్లెక్స్​ను ఇవాళ యాజమాన్యం మూసివేసింది.

V-EPIQ theatre closed: సినిమా టికెట్లపై ఆంధ్రప్రదేశ్​ ప్రభుత్వ వైఖరి, థియేటర్లలో అధికారుల తనిఖీలను నిరసిస్తూ రాష్ట్రంలో పలుచోట్ల స్వచ్ఛందంగా సినిమా థియేటర్లను మూసివేస్తున్నారు. గత రెండు రోజులుగా అనేక సినిమా హాళ్లను మూసివేశారు. కాగా ఆసియాలోనే అతి పెద్ద థియేటర్​గా పేరు గాంచిన వి- ఎపిక్​ థియేటర్​ను ఇవాళ యాజమాన్యం మూసివేసింది.

అతి పెద్ద తెర

ఏపీ ప్రభుత్వం సినిమా టిక్కెట్ ధరలు తగ్గించడంతో.. శ్రీ పొట్టి శ్రీరాములు నెల్లూరు జిల్లా సూళ్లూరుపేట సమీపంలో జాతీయ రహదారి ఆనుకుని ఉన్న వి-ఎపిక్ మల్టీప్లెక్స్​ థియేటర్​ను మూసివేశారు. తగ్గించిన ధరలు తమకు గిట్టుబాటు కావంటూ ఈ నిర్ణయం తీసుకున్నారు. ఆసియా ఖండంలోనే అతి పెద్ద తెర ఏర్పాటు చేసిన ఈ థియేటర్​లో 640 సీట్ల కెపాసిటీ ఉంది. ప్రేక్షకులకు అనుగుణంగా అత్యాధునిక సాంకేతిక పరిజ్ఞానంతో దీన్ని నిర్మించారు.

మరో రెండు కూడా

ఈ థియేటర్లోని స్క్రీన్ 100 అడుగుల పొడవు.. 50 అడుగుల వెడల్పుతో ఉంటుంది. 2019 ఆగస్టు 30న మెగాపవర్ స్టార్ రామ్ చరణ్ ఈ థియేటర్​ను ప్రారంభించారు. ఇవాళ ఉదయం ఆట నుంచే టాకీసును మూసేశారు. ఈ థియేటర్ ప్రాంగణంలో మరో రెండు సినిమా హాళ్లు కూడా ఉన్నాయి. ప్రభుత్వ నిర్ణయంతో వీటిని కూడా మూసేశారు.

ఇదీ చదవండి:Vijay Devarakonda on Cinema Tickets: 'ఐ లవ్​ మై గవర్నమెంట్: విజయ్ దేవరకొండ'