'ఒక్క ఎన్నికల్లో కూడా గెలవనివారు నా గురించి మాట్లాడుతున్నారు'

మున్సిపల్​ ఎన్నికలు జరగనున్న నేపథ్యంలో జనవరి 6న రిజర్వేషన్లను ప్రకటించి.. నామినేషన్లను 8న చేయాలంటే ఇబ్బంది ఏర్పడుతుందని ఉత్తమ్​ అన్నారు. తన మాటలను కొందరు కావాలనే వక్రీకరిస్తున్నారని మండిపడ్డారు.

హైదరాబాద్​ గాంధీ భవన్​లో మీడియా సమావేశం నిర్వహించిన పీసీసీ అధ్యక్షుడు ఉత్తమ్​ కుమార్​ రెడ్డి తెరాసపై పరోక్షంగా విమర్శలు చేశారు. ఒక్క ఎన్నికల్లో కూడా గెలవని అధికార పార్టీ నాయకులు తనపై మాట్లాడుతున్నారని ధ్వజమెత్తారు. రాష్ట్రంలో తాను గెలిచినన్ని సార్లు ఎవరు గెలవలేదని తెలిపారు.

నామినేషన్​కు రెండు రోజుల ముందు రిజర్వేషన్లను ప్రకటిస్తే.. అభ్యర్థుల ఎంపిక చేయడం, బి-ఫామ్​లు ఇవ్వడంలో ఇబ్బంది ఎదురవుతుందని తెలిపినట్లు ఉత్తమ్​ పేర్కొన్నారు. ఓటర్ల జాబితా ఫైనల్ కాకుండా షెడ్యూల్ ఎక్కడైనా ఇస్తారా అని ఉత్తమ్ ప్రశ్నించారు.

ఇవీ చూడండి: దశాబ్ది సవాల్​: స్వచ్ఛ ఇంధనంతో పచ్చని జీవితం