వర్షం వచ్చింది... మిర్చీ రైతును ముంచింది

వానొస్తే.. రైతుకు పండుగ. కానీ.. పంట చేతికొచ్చి రేపో.. మాపో అమ్మేద్దామనుకుంటుండగా.. వాన వస్తే ఆరుగాలం చేసిన శ్రమకు కన్నీరే మిగులుతుంది.

అకాల వర్షం.. ఖమ్మం మిర్చీ రైతును నిండా ముంచింది. అమ్మకానికి మార్కెట్​కి తెచ్చిన పంట పూర్తిగా వర్షంలో తడిసిపోయింది. దాదాపు 50వేలకు పైగా మిర్చీ బస్తాలు మార్కెట్​కు రాగా.. అందులో.. 30వేల బస్తాలు వర్షంలో తడిసిపోయాయి. వర్షానికి తడిసిన నష్టం అంచనా.. లక్షల్లో ఉండే అవకాశం ఉంది. వాహనాల్లో మార్కెట్​కి తరలించిన మిర్చీ కూడా తడిసిపోయింది.

అమ్మకాల కోసం.. పెద్దఎత్తున ఖమ్మం మార్కెట్​కి మిర్చీ వచ్చింది. గంపెడు ఆశలతో మార్కెట్​కి తరలించిన మిర్చీ తడిసిపోవడంతో మిర్చీ రైతులు కన్నీరు మున్నీరవుతున్నారు.