అసిస్టెంట్ ప్రొఫెసర్ల ఎంపిక కోసం నిర్వహించే యూజీసీ-నెట్ పరీక్షలు (డిసెంబర్ 2020, జూన్ 2021)కి సంబంధించిన హాల్ టికెట్లు విడుదలయ్యాయి. అధికారిక వెబ్సైట్ https://ugcnet.nta.nic.in ద్వారా విద్యార్థులు తమ హాల్ టికెట్లను డౌన్లోడ్ చేసుకోవచ్చని ఎన్టీఏ వెల్లడించింది. విద్యార్థులు ఈ కింది విధంగా తమ హాల్ టికెట్ను పొందవచ్చు.
ఏం చేయాలంటే..
విద్యార్థులు ముందుగా అధికారిక వెబ్సైట్ https://ugcnet.nta.nic.in ను సందర్శించాలి. వెబ్సైట్ పేజీ కింది భాగంలో డౌన్లోడ్ అడ్మిట్ కార్డ్ ఆప్షన్ ఉంటుంది. అక్కడ క్లిక్ చేస్తే లాగిన్ పేజీ ఓపెన్ అవుతుంది. అనంతరం అప్లికేషన్ నెంబర్‌, పుట్టిన తేదీ వివరాలతో హాల్ టికెట్ డౌన్లోడ్ చేసుకోవాలి.
గతంలోనే పరీక్షల తేదీలు..
యూజీసీ-నెట్(జాతీయ అర్హత పరీక్ష) (2020 డిసెంబర్, 2021 జూన్) పరీక్ష తేదీలను ఎన్టీఏ (జాతీయ పరీక్షల సంస్థ) వెల్లడించింది. యూజీసీ నెట్ డిసెంబర్ 2020 పరీక్షలను నవంబర్ 20, 21, 22, 24, 25, 26, 29, 30 తేదీల్లో నిర్వహించనున్నట్లు ప్రకటించింది. అదే విధంగా నెట్ జూన్ 2021 పరీక్షలను డిసెంబర్ 1, 3, 4, 5 తేదీల్లో నిర్వహించనున్నట్లు తెలిపింది.
అయితే ఈ యూజీసీ నెట్ పరీక్షలను ఈ నెల 17 నుంచి 25 మధ్యలో నిర్వహించాలని గతంలో నిర్ణయించినా.. ఆ తేదీల్లో ఇతర ప్రవేశ పరీక్షలు ఉండటంతో వాయిదా పడుతూ వచ్చింది. తాజాగా నవంబర్, డిసెంబర్ నెలల్లో పరీక్షలను నిర్వహించనున్నట్లు ఎన్టీఏ స్పష్టం చేసింది. ఈ నెట్ పరీక్షల్లో రెండు పేపర్లు ఉంటాయి. దీనిని కంప్యూటర్ ఆధారిత పరీక్ష(సీబీటీ) విధానంలో నిర్వహిస్తారు.
ఇదీ చూడండి: యూజీసీ-నెట్ పరీక్ష తేదీలను వెల్లడించిన ఎన్టీఏ
