SINGER SHANMUKHA PRIYA: 'ప్రేక్షకుల సపోర్ట్ వల్లే ఈ స్థాయిలో ఉన్నాను'
ఇండియన్ ఐడల్‌ ఫైనలిస్ట్ షణ్ముఖ ప్రియను విశాఖలో కళా ప్రియులు ఘనంగా సత్కరించారు. ఈ సందర్భంగా ఆమె గానామృతంతో మంత్రముగ్దుల్ని చేసింది. షణ్ముఖ ప్రియ పాటలు వింటూ చిన్నా, పెద్దా అంతా ఆనందించారు. మేయర్ హరి వెంకటకుమారి, జీసీసీ ఛైర్మన్‌ స్వాతిరాణి, మాజీ ఎమ్మెల్యే మళ్ల విజయప్రసాద్‌ ఆమెకు 'విశ్వగాన ప్రియ' అవార్డును ప్రదానం చేశారు.
తల్లిదండ్రుల సహకారం, విశాఖ వాసులు ఆదరాభిమానాల సహకారంతో జాతీయస్థాయిలో ప్రతిభ కనబరిచినట్లు ఆమె తెలిపారు. ఈ కార్యక్రమంలో వీరు మామ, అంబటి రామకృష్ణ, ప్రతాప్‌, సురేఖ తదితరులు పాల్గొన్నారు.