అలా.. విపత్తు నిర్వహణ బృందం వాహనంపై కూలిన వృక్షం

ఆదివారం రాత్రి వీచిన ఈదురు గాలుల ప్రభావానికి గోల్కొండ వద్ద ఓ భారీ వృక్షం కొమ్మలు విరిగాయి. వాటిని తొలగిస్తున్న క్రమంలో చెట్టు విరిగి విపత్తు నిర్వహణ బృందం వాహనంపై పడింది.

ఆదివారం రాత్రి భాగ్యనగరంలోని పలుప్రాంతాల్లో ఈదురుగాలులు వీచాయి. ఈ గాలుల ప్రభావానికి గోల్కొండ వద్ద ఓ భారీ వృక్షం కొమ్మ.. పక్కనే ఉన్న కరెంటు తీగలపై పడింది. వాటిని తొలగించేందుకు డిజాస్టర్ రెస్పాన్స్ ఫోర్స్​ బృందం యత్నించింది. కరెంటు తీగ పైనుంచి కొమ్మను తీసే సమయంలో ప్రమాదవశాత్తు మరో కొమ్మ డిజాస్టర్ రెస్పాన్స్ ఫోర్స్ వాహనంపై పడింది. ప్రమాదంలో వాహనం పాక్షికంగా ధ్వంసమవ్వగా.. ఎవరూ గాయపడలేదు. గంట పాటు శ్రమించిన సిబ్బంది రెండు కొమ్మలను తొలగించారు.