దూడపై నుంచి వెళ్లిన టిప్పర్.. రక్షించిన ట్రాఫిక్ పోలీసు.. వెంబడించిన తల్లి ఆవు

Traffic Rescued a Calf in AP : ట్రాఫిక్‌ పోలీసుల దయాగుణం, సమయస్ఫూర్తి ఓ మూగజీవాన్ని రక్షించింది. రోడ్డుపై ఉన్న దూడ మీద నుంచి టిప్పర్‌ వెళ్లిన సమయంలో.. సమీపంలో విధులు నిర్వర్తిస్తున్న ట్రాఫిక్‌ పోలీసులు గుర్తించి ప్రథమ చికిత్స చేయించారు. ఈ ఘటన ప్రకాశం జిల్లా ఒంగోలులో గద్దలగుంటలో జరిగింది.

Traffic Rescued a Calf in AP : ఏపీలోని ప్రకాశం జిల్లా ఒంగోలు గద్దలగుంట సమీపంలో మంగళవారం రాత్రి ఓ టిప్పర్‌ రోడ్డుపై ఉన్న దూడ మీద నుంచి వెళ్లింది. దాని కాళ్లు దెబ్బతిని రక్తస్రావమై మూలుగుతుండగా సమీపంలో విధులు నిర్వర్తిస్తున్న ట్రాఫిక్‌ పోలీసులు గుర్తించారు. వెంటనే ఆ మూగజీవాన్ని రికవరీ వాహనంపై వేసుకొని పోలీస్ స్టేషన్‌కు తరలించారు. ఇది చూసిన తల్లి ఆవు వాహనాన్ని వెంబడిస్తూ ఠాణాకు చేరింది.

పోలీసులు వైద్యుడిని పిలిపించి దూడకు ప్రథమ చికిత్స చేయించారు. మళ్లీ బుధవారం ఉదయం సంతపేట పశువుల ఆసుపత్రికి తీసుకెళ్లి పూర్తిస్థాయి చికిత్స అందించారు. అప్పుడు కూడా ఆవు తన పిల్లను ఓ కంట కనిపెడుతూనే వాహనం వెంట పరుగు తీసింది. చికిత్స పూర్తయ్యాక పోలీసులు రెండింటినీ వాటి యజమానికి అప్పగించారు. ఒంగోలు నగర ట్రాఫిక్‌ పోలీసులు చూపిన ఈ చొరవను స్థానికులు అభినందించారు.

ఇవీ చదవండి :