రహదారి నియమాలపై వాహనదారులకు మరింత అవగాహన పెంచేందుకు హైదరాబాద్ ట్రాఫిక్ పోలీస్ వినూత్న కార్యక్రమానికి శ్రీకారం చుట్టారు. ట్రాఫిక్ నియమాలను సక్రమంగా పాటించేవారని గుర్తించి సినిమా టికెట్లు ఇచ్చి అభినందిస్తున్నారు. ఇందుకోసం పీవీఆర్ మాల్స్తో ఒప్పందం కుదుర్చుకున్నారు.
అందరూ టికెట్లు తీసుకోవాలి
ఇవాళ ట్రాఫిక్ అదనపు డీసీపీ భాస్కర్ ఆధ్వర్యంలో సికింద్రాబాద్లో.. రహదారి భద్రత నియమాలు పాటిస్తున్న వారికి సినిమా టికెట్లతో పాటు పుష్పగుచ్చాలిచ్చి అభినందించారు. నగరంలోని ప్రతీ వాహనదారుడు సినిమా టికెట్లు అందుకోవాలని తాము ఆకాంక్షిస్తున్నట్లు డీసీపీ తెలిపారు. ప్రతి నెల పీవీఆర్ మాల్స్ వారు ఆరు వందల టికెట్లను అందిస్తున్నారన్నారు. నగర వ్యాప్తంగా 80 శాతం వాహనదారులు ట్రాఫిక్ నియమాలు పాటిస్తున్నారని పేర్కొన్నారు.
నిబంధనలు పాటించిన వారిని సత్కరించినట్లే.. రూల్స్ పాటించని వారి పట్ల కఠినంగా ఉంటామని కూడా పోలీసులు హెచ్చరించారు.
ఇవీ చూడండి: బీఆర్కే భవన్కు వెళ్లే మార్గంలో ట్రాఫిక్ ఆంక్షలు