టాప్​టెన్​ న్యూస్​ @7PM

ఇప్పటి వరకు ఉన్న ప్రధాన వార్తలు

• లాక్​డౌన్​ పొడిగింపు..

రాష్ట్రంలో లాక్‌డౌన్ మ‌రో 10 రోజులు పొడిగిస్తూ రాష్ట్ర కేబినెట్‌ నిర్ణయం తీసుకుంది. ప్రగతిభవన్‌లో సీఎం కేసీఆర్‌ అధ్యక్షతన జరిగిన సమావేశంలో ఈ మేరకు నిర్ణయం తీసుకున్నారు. పూర్తి వివరాల కోసం క్లిక్ చేయండి.

• హస్తినకు ఈటల..

మాజీమంత్రి ఈటల రాజేందర్ భాజపాలో చేరుతున్నారన్న ఊహాగానాల నేపథ్యంలో ఆయన దిల్లీకి బయల్దేరి వెళ్లారు. రేపు భాజపా జాతీయ అధ్యక్షుడు జేపీ నడ్డాను ఈటల కలవనున్నారు. ప్రస్తుతం కరీంనగర్ పర్యటనలో ఉన్న రాష్ట్ర అధ్యక్షుడు బండి సంజయ్... రేపు ఉదయం దిల్లీ వెళ్లనున్నారు. పూర్తి వివరాల కోసం క్లిక్ చేయండి.

• వివాదమెందుకు..

హైదరాబాద్​లోని ఎర్రగడ్డ ఈఎస్‌ఐ ఆస్పత్రిని చినజీయర్ స్వామి సందర్శించారు. ఆస్పత్రిలోని వైద్య సిబ్బందితో మాట్లాడారు. ఆనందయ్య మందుపై చినజీయర్​ స్వామి స్పందించారు. పూర్తి వివరాల కోసం క్లిక్ చేయండి.

• ఇకపై తపాలా కార్యాలయాల్లోనూ..

వ్యాక్సిన్​ రిజిస్ట్రేషన్​ కోసం గ్రామీణ ప్రాంతాల ప్రజలు పడుతున్న ఇబ్బందులు తొలగించేందుకు తపాలా శాఖ ముందుకొచ్చింది. స్థానిక తపాలా కార్యాలయానికి వెళ్లి రిజిస్ట్రేషన్ చేసుకోవచ్చని ఆ శాఖ అధికారులు తెలిపారు. పూర్తి వివరాల కోసం క్లిక్ చేయండి.

• ఏపీలో కొత్తగా 13,400 కేసులు..

ఏపీలో కొవిడ్​ ఉద్ధృతి కొన‌సాగుతూనే ఉంది. గ‌డిచిన 24 గంట‌ల్లో రాష్ట్ర వ్యాప్తంగా 84,232 కొవిడ్ ప‌రీక్షలు నిర్వ‌హించ‌గా.. 13,400 పాజిటివ్ కేసులు న‌మోద‌య్యాయి. పూర్తి వివరాల కోసం క్లిక్ చేయండి.

• రుతుపవనాల రాక ఆలస్యం..

నైరుతి రుతుపవనాల రాక రెండు రోజులు ఆలస్యం కానుందని భారత వాతావరణ శాఖ తెలిపింది. జూన్ 3న ఇవి కేరళ తీరాన్ని తాకే అవకాశముందని పేర్కొంది. పూర్తి వివరాల కోసం క్లిక్ చేయండి.

• కొవిడ్​ను ఎదుర్కోలేం..

నెలకోసారి అర్థం లేని మాటలు మాట్లాడి కొవిడ్​ సంక్షోభాన్ని ఎదుర్కోలేమని కాంగ్రెస్ నేత రాహుల్ గాంధీ అన్నారు. ప్రధాని మోదీ మన్​కీ బాత్​ కార్యక్రమాన్ని ఉద్దేశించి ఈమేరకు వ్యాఖ్యానించారు. అటు.. మోదీ ఏడేళ్ల పాలనపై కాంగ్రెస్​ నేతలు తీవ్ర విమర్శలు చేశారు. పూర్తి వివరాల కోసం క్లిక్ చేయండి.

• నదిలో కొవిడ్‌ మృతదేహాన్ని పడేస్తూ..

పీపీఈ కిట్ వేసుకున్న వ్యక్తి మరొకరితో కలిసి ఓ మృతదేహాన్ని నదిలో పడేశారు. అదే సమయంలో కారులో అటుగా వెళ్తున్న కొందరు వ్యక్తులు ఈ వీడియోను చిత్రీకరించారు. ఈ వీడియో అధికారుల దృష్టికి చేరింది. పూర్తి వివరాల కోసం క్లిక్ చేయండి.

• ఒసాకా శుభారంభం..

జపాన్ టెన్నిస్ స్టార్ నవోమి ఒసాకా(Naomi Osaka) ఫ్రెంచ్ ఓపెన్(French Open)​ రెండో రౌండ్లోకి దూసుకెళ్లింది. తొలి రౌండ్​లో రొమేనియా ప్లేయర్​ పాట్రిసియా మారియా టిగ్​పై 6-4, 7-6(4)తో గెలుపొందింది. పూర్తి వివరాల కోసం క్లిక్ చేయండి.

• టాలీవుడ్​ స్వరనీరాజనం..

జూన్​ 4న గానగంధర్వుడు ఎస్పీ బాలసుబ్రహ్మణ్యం జయంతి సందర్భంగా టాలీవుడ్​లో ఓ ప్రత్యేక కార్యక్రమాన్ని నిర్వహించనున్నారు. ఆయన పుట్టినరోజున బాలుకు స్వరనీరాజనం అర్పించబోతున్నట్లు ప్రముఖ సంగీత దర్శకుడు ఆర్పీ పట్నాయక్​ వెల్లడించారు. ఈ కార్యక్రమానికి పలువురు ప్రముఖులు హాజరు కానున్నారని తెలిపారు. పూర్తి వివరాల కోసం క్లిక్ చేయండి.