తెలంగాణ

telangana

ETV Bharat / city

Telangana News Today: టాప్న్యూస్ @5PM - 5PM టాప్న్యూస్

ఇప్పటి వరకు ఉన్న ప్రధాన వార్తలు

5PM TOPNEWS

5PM TOPNEWS

By

Published : Jul 19, 2022, 4:59 PM IST

'అలా అయితే పెరుగు, పప్పు, బియ్యంపై నో జీఎస్టీ'..

సోమవారం అమలులోకి వచ్చిన కొత్త జీఎస్టీ నిబంధనలపై ఆర్థిక మంత్రి నిర్మలా సీతారామన్ మరింత స్పష్టత ఇచ్చారు. పెరుగు సహా 11 రకాల వస్తువుల జాబితాను పేర్కొంటూ.. అవి విడిగా అమ్మితే వాటిపై జీఎస్టీ వర్తించదని తేల్చిచెప్పారు.

కోతకు గురైన మేడిగడ్డ బ్యారేజీ గ్రావిటీ కాలువ, కరకట్ట..

ఇటీవల కురిసిన భారీ వర్షాలకు కాళేశ్వరం ప్రాజెక్టుకు వరద నీరు పోటెత్తింది. ఈ క్రమంలోనే మేడిగడ్డ బ్యారేజీ గ్రావిటీ కాలువ, కరకట్ట కోతకు గురయ్యాయి. సుమారు 100 మీటర్ల మేర కోతకు గురికాగా.. ప్రస్తుతం వరద ప్రవాహం తగ్గడంతో దర్శనమిస్తున్నాయి.

మద్యం మత్తులో దివ్యాంగుడు హల్చల్.. పోలీసులకు ధమ్కీ ఇస్తూ నానా రచ్చ..

కారు నడపిన యువకుడు మద్యం తాగాడు. అందులో ఉన్న అతడి సోదరుడు మద్యం మత్తులోనే ఉన్నారు. పైగా కారులో మద్యం సీసాలూ ఉన్నాయి. ఇవన్ని చూసి.. కారు స్వాధీనం చేసుకున్నారు. ఇదంతా నచ్చని.. డ్రైవర్ సోదరుడు మాత్రం ఏకంగా పోలీసులకే ధమ్కీ ఇచ్చాడు. మద్యం మత్తులో పోలీసులకు చుక్కలు చూపించాడు.

ల్యాండ్‌ ఫోన్‌ కోసం మహిళ దారుణ హత్య.. ఎక్కడంటే..?

ఎవరైనా బంగారం కోసమో.. లేక డబ్బుల కోసమో చోరీలు చేయడం.. ఇంట్లో వాళ్లు ఎదురు తిరిగితే హత్య చేయడం లాంటివి నిత్యం జరుగుతూనే ఉంటాయి. తాజాగా ఏపీలోని ఎన్టీఆర్ జిల్లా సత్యనారాయణపురంలోనూ ఇలానే జరిగింది. కాకాపోతే ఫోన్ కోసం దొంగతనానికి వచ్చిన దుండగులు.. ఎదురు తిరిగిన మహిళను అతి కిరాతకంగా హత్య చేశారు.

లారీతో ఢీకొట్టి డీఎస్పీ దారుణ హత్య..

అక్రమ మైనింగ్ జరుగుతోందని విచారణకు వెళ్లిన డీఎస్పీని దుండగులు లారీతో ఢీకొట్టి చంపేశారు. ఈ ఘటన హరియాణాలో జరిగింది. పోలీసులు దీనిపై దర్యాప్తు చేస్తున్నారు. నిందితుడి కోసం గాలిస్తున్నారు.

'లోదుస్తులన్నీ ఓకే చోట.. చున్నీ కూడా లేదు'..

కేరళలో నీట్ పరీక్ష వ్యవహారంపై దుమారం కొనసాగుతోంది. విద్యార్థులు తమకు ఎదురైన అవమానకరమైన అనుభవాలను 'ఈటీవీ భారత్'తో పంచుకున్నారు. మరికొంతమంది పోలీసులకు ఫిర్యాదు చేసేందుకు ముందుకొచ్చారు. మరోవైపు, కళాశాలకు వ్యతిరేకంగా నిర్వహించిన ర్యాలీ హింసాత్మకంగా మారింది.

యువకుడిపై దుండగుల హత్యాయత్నం.. 'నుపుర్ శర్మ వీడియో చూడడమే కారణం'!

బిహార్లోని ఓ యువకుడిపై మరో వర్గానికి చెందిన పలువురు కత్తితో దాడి చేశారు. నుపుర్ శర్మ వివాదాస్పద వీడియో చూడటం వల్లే యువకుడిపై హత్యాయత్నం జరిగినట్లు కుటుంబసభ్యులు ఆరోపిస్తున్నారు. ఈ ఘటనపై కేసు నమోదు చేసిన పోలీసులు ఇప్పటికే ఇద్దరు నిందితులను అరెస్ట్ చేశారు.

బస్సు-లారీ ఢీ.. 22 మంది మృతి.. 33 మందికి గాయాలు

ఆగి ఉన్న లారీని బస్సు ఢీకొట్టిన ఘటనలో 22 మంది ప్రాణాలు కోల్పోయారు. 33 మంది గాయపడ్డారు. ఈజిప్ట్ మిన్యా రాష్ట్రం మాలావిలో జరిగిందీ ఘోర ప్రమాదం.

కోహ్లీ నాతో 20నిమిషాలు మాట్లాడితే.. తిరిగి ఫామ్లోకి..: గావస్కర్‌

ఫామ్ కోల్పోయి ఇబ్బంది పడుతున్న విరాట్ కోహ్లీపై విమర్శలు వెల్లువెత్తున్నాయి. అయితే కొంతమంది ఆటగాళ్లు, సీనియర్లు మాత్రం ఆయనకు మద్దతుగా నిలుస్తున్నారు. తాజాగా.. దిగ్గజ ఆటగాడు గావస్కర్‌ కోహ్లీకి తన విలువైన సలహాలు ఇచ్చేందుకు ముందుకొచ్చారు.

రవితేజ- నిర్మాత సుధాకర్ మధ్య గొడవకు కారణం వాళ్లేనట..

రవితేజ హీరోగా శరత్‌ మండవ తెరకెక్కించిన యాక్షన్‌ థ్రిల్లర్‌ 'రామారావు ఆన్‌ డ్యూటీ'. సుధాకర్‌ చెరుకూరి నిర్మాత. రజిషా విజయన్‌, దివ్యాంశ కౌశిక్‌ కథానాయికలు. వేణు తొట్టెంపూడి కీలక పాత్రలో నటించారు. ఈ సినిమా జులై 29న విడుదల కానుంది.

For All Latest Updates

TAGGED:

Telangana News Today

5PM టాప్న్యూస్

ఇప్పటి వరకు ఉన్న ప్రధాన వార్తలు

ABOUT THE AUTHOR

...view details