తెలంగాణ

telangana

ETV Bharat / city

Telangana Top News: టాప్న్యూస్ @9PM

ఇప్పటి వరకు ఉన్న ప్రధాన వార్తలు

9PM TOPNEWS

9PM TOPNEWS

By

Published : Aug 9, 2022, 8:58 PM IST

బిహార్‌ సీఎంగా నితీశ్ ప్రమాణస్వీకారానికి ముహుర్తం ఫిక్స్

రాజకీయ పునరేకీకరణతో బిహార్ పాలిటిక్స్ మరోసారి కీలక మలుపు తిరిగాయి. కేంద్రంలో, రాష్ట్రంలో మిత్రపక్షంగా ఉన్న భాజపాకు రెండోసారి షాక్ ఇస్తూ.. ఎన్డీఏ నుంచి బయటకు వచ్చేసింది జేడీయూ. ఇప్పటివరకు ప్రత్యర్థులుగా ఉన్న ఆర్జేడీ, కాంగ్రెస్, వామపక్షాలతో చేతులు కలిపింది.

తెలంగాణ మంత్రివర్గ సమావేశానికి ముహుర్తం ఖరారు..

తెలంగాణ రాష్ట్ర మంత్రి వర్గ సమావేశానికి ముహుర్తం ఖరారు అయింది. ఈనెల 11న (గురువారం) రాష్ట్ర మంత్రివర్గ సమావేశం కానుంది. సీఎం కేసీఆర్ అధ్యక్షతన ప్రగతిభవన్‌లో మధ్యాహ్నం 3 గంటలకు మంత్రివర్గ భేటీ నిర్వహించనున్నారు. రాష్ట్రానికి అదనపు ఆర్థిక వనరులు, ఇతర అంశాలపై మంత్రివర్గం చర్చ జరపనుంది.

బండితో రాజగోపాల్‌రెడ్డి భేటీ... ఆ విషయాలపై చర్చ!!

యాదాద్రి జిల్లా పంతంగి వద్ద బండి సంజయ్‌తో కోమటిరెడ్డి రాజగోపాల్‌రెడ్డి భేటీ అయ్యారు. రాజగోపాల్‌రెడ్డితో పాటు వివేక్, విశ్వేశ్వర్‌రెడ్డిలు బండి సంజయ్‌ను కలిశారు. రాజగోపాల్‌రెడ్డి భాజపాలో చేరిక తేదీ, బహిరంగ సభ అంశంపై చర్చించినట్లు తెలుస్తోంది.

డిగ్రీ విద్యార్థినిపై హత్యాయత్నం..

నల్గొండ జిల్లాలో దారుణం జరిగింది. డిగ్రీ కళాశాల విద్యార్థినిపై ఓ విద్యార్థి హత్యాయత్నానికి పాల్పడ్డాడు. ప్రేమపేరుతో కొంతకాలంగా వేధిస్తున్న విద్యార్థి రోహిత్ ఈ దారుణానికి ఒడిగట్టాడు. డిగ్రీ చదువుతున్న యువతిపై కత్తితో దాడి చేశాడు.

భద్రాచలంలో గోదావరికి పెరుగుతున్న వరద..

రాష్ట్రవ్యాప్తంగా కురుస్తున్న భారీ వర్షాలతో పాటు ఎగువ ప్రాంతంలో కురుస్తున్న వర్షాలకు భద్రాచలం వద్ద గోదావరి నీటిమట్టం క్రమంగా పెరుగుతోంది. నిన్న 35 అడుగులు ఉన్న గోదావరి నీటిమట్టం ఈరోజు మధ్యాహ్నానికి 41. 2 అడుగులు దాటింది.

భారీగా పెరిగిన మోదీ ఆస్తులు..

భారత ప్రధాని నరేంద్ర మోదీకి.. ఎంత ఆస్తులు ఉన్నాయనే విషయం తెలుసుకోవాలని చాలా మందికి ఆసక్తి ఉంటుంది. ఏటా ఆయన తన ఆస్తుల వివరాలను అధికారికంగా వెల్లడిస్తారు. ఈసారి మరి మోదీ ఆస్తుల విలువ ఎంత పెరిగిందో తెలుసా?

'బిహార్లో రాష్ట్రపతి పాలన విధించాలి.. వచ్చే ఎన్నికల్లో సున్నా ఓట్లే'

భాజపా-జేడీ(యూ) బంధం తెగిపోవడం వల్ల బిహార్‌లో రాజకీయ పరిణామాలు శరవేగంగా మారిపోతున్నాయి. ముఖ్యమంత్రి పదవికి నితీశ్‌ కుమార్‌ రాజీనామా చేశారు. అయితే ఆర్జేడీతో నితీశ్‌ చేతులు కలపడంపై లోక్‌జనశక్తి పార్టీ నేత చిరాగ్ పాసవాన్‌ మండిపడ్డారు.

ట్రంప్ ఇంటిపై ఎఫ్బీఐ దాడులు.. లాకర్లు బద్దలు..

అమెరికా మాజీ అధ్యక్షుడి ఇంటిపై ఎఫ్బీఐ దాడులు నిర్వహించింది. తన ఇంటిని ఎఫ్బీఐ ఏజెంట్లు ఆక్రమించుకున్నారని.. లాకర్లను పగులగొట్టారని ట్రంప్ మండిపడ్డారు. 2024 అధ్యక్ష ఎన్నికల్లో రిపబ్లికన్లను అడ్డుకోవాలన్న కుట్రతోనే ఇలా చేస్తున్నారని ఆరోపించారు.

టెన్నిస్ దిగ్గజం సంచలన ప్రకటన.. రిటైర్మెంట్ అంటూ!

అమెరికా టెన్నిస్ దిగ్గజం సెరెనా విలియమ్స్ రిటైర్మెెంట్ గురించి కీలక వ్యాఖ్యలు చేసింది. టెన్నిస్కు మెల్లమెల్లగా దూరమవుతున్నట్లు ప్రకటించింది. 23 గ్రాండ్స్లామ్ టైటిళ్లు సాధించానని, టెన్నిస్ నుంచి తప్పుకోవడానికి సిద్ధమేనని ఆమె రాసిన ఓ వ్యాసాన్ని వోగ్ మ్యాగజైన్ విడుదల చేసింది.

ఇన్స్టా పోస్టులన్నీ డిలీట్ చేసిన రానా..

టాలీవుడ్ నటుడు రానా దగ్గుబాటి తన ఇన్స్టాగ్రామ్ పోస్టులన్నింటినీ డిలీట్ చేశారు. ఒక్కటి కూడా ఉంచలేదు. కారణమేంటంటే?

For All Latest Updates

TAGGED:

Telangana Top News

Top News Telangana

టాప్న్యూస్ 9PM

9PM టాప్న్యూస్

తెలంగాణ టాప్న్యూస్

ABOUT THE AUTHOR

...view details