తెలంగాణ

telangana

ETV Bharat / city

TOP NEWS: టాప్ న్యూస్ @ 7PM - తెలంగాణ వార్తలు

ఇప్పటి వరకు ఉన్న ప్రధాన వార్తలు

7PM

7PM

By

Published : Jun 16, 2022, 6:59 PM IST

యూనిఫాంను ఎలా గౌరవించాలో మాకు తెలుసు: రేణుకా చౌదరి

పంజాగుట్ట ఎస్ఐ కాలర్ పట్టుకొని దురుసుగా ప్రవర్తించిన ఘటనలో రేణుకా చౌదరిపై కేసు నమోదైంది. ఐపీసీ 353 కింద పోలీసులు కేసు నమోదు చేశారు. అరెస్ట్ అనంతరం గోల్కొండ పీఎస్లో ఉన్న రేణుకా చౌదరి తనను పోలీసులు వెనక నుంచి తీసినప్పుడు కిందపడే క్రమంలో ఎస్ఐ భుజాన్ని పట్టుకున్నానని వివరణ ఇచ్చారు.

సాయి పల్లవిపై పీఎస్లో ఫిర్యాదు.. ఎందుకంటే?

విరాటపర్వం సినిమాలో నటించిన సినీనటి సాయి పల్లవిపై హైదరాబాద్‌ సుల్తాన్‌బజార్‌ పోలీసులకు ఫిర్యాదు చేశారు. కశ్మీర్‌ ఫైల్స్‌ సినిమాతో పాటు గోరక్షకులపై వివాదాస్పద వ్యాఖ్యలు చేశారని భజరంగ్‌దళ్‌ నాయకులు ఆరోపిస్తున్నారు.

'తెలంగాణ బిగ్ గ్రీన్‌స్పాట్‌గా మారింది'

తెలంగాణలో హరితహారం కార్యక్రమం ఆశ్చర్యం కలిగిస్తోందని సద్గురు జగ్గీ వాసుదేవ్‌ అన్నారు. ప్రస్తుతం హైదరాబాద్ చూస్తుంటే అంతా పచ్చదనం పరిచినట్లుగా కనిపిస్తోందని తెలిపారు.

సముద్రంలో నలుగురు చిన్నారుల గల్లంతు..!

బాపట్ల జిల్లాలో విషాదం చోటు చేసుకుంది. సరదాగా సముద్రం చూసేందుకు నిజాంపట్నం వచ్చిన నలుగురు చిన్నారులు అలల తాకిడికి కొట్టుకుపోయారు. వీరిలో ఒక పాప మృతదేహం లభ్యమైంది.

భారీ ఉగ్ర కుట్ర భగ్నం.. 15 కిలోల బాంబులు స్వాధీనం

జమ్ముకశ్మీర్ పుల్వామా జిల్లాలోని ఓ తోటలో ఉగ్రవాదులు పెట్టిన 15 కిలోల ఐఈడీని స్వాధీనం చేసుకున్నారు పోలీసులు. మరోవైపు.. కుల్గాం జిల్లాలో జరిగిన ఎన్కౌంటర్లో ఇద్దరు ఉగ్రవాదులు హతమయ్యారు.

బొట్టు బిళ్లలతో 100 అడుగుల పెయింటింగ్..

రెండు రోజుల పర్యటన కోసం శుక్రవారం గుజరాత్ వెళ్లనున్న ప్రధానమంత్రి నరేంద్ర మోదీకి వినూత్నంగా స్వాగతం పలికేందుకు సిద్ధమయ్యారు పలువురు మహిళలు. అందుకోసం బొట్టు బిళ్లలు(స్టిక్కర్లు)తో 100 అడుగుల పొడవైన పెయింటింగ్ను సిద్ధం చేశారు.

భారత్లో పబ్జీకి 'ఒలింపిక్స్' గుర్తింపు!.. నిజమెంత?

భారత్లో విపరీతమైన ఆదరణ ఉన్న ఆన్లైన్ గేమ్ పబ్జీకి బానిసలుగా చాలా మంది మారిపోతున్నారు. ఆట మోజులో పడి కొందరు దారుణాలకు పాల్పడుతున్నారు. అందువల్లే కొన్నేళ్ల క్రితం భారత్.. ఈ గేమ్పై నిషేధం విధించింది.

ప్రయాణికులకు షాక్.. 'టికెట్ రేట్లు 15% పెంపు!'..

విమాన ఇంధన ధరలు 16 శాతం మేర పెంచుతూ చమురు సంస్థలు నిర్ణయం తీసుకున్నాయి. దీంతో ఏవియేషన్ టర్బైన్ ఫ్యూయల్ ధర జీవితకాల గరిష్ఠానికి చేరింది. ఈ ప్రభావాన్ని తగ్గించుకునేందుకు విమానయాన సంస్థలు.. టికెట్ల ధరలను పెంచాలని కోరుతున్నాయి.

అక్కడ లీటర్ పెట్రోల్ రూ.234, డీజిల్ రూ.263

ఆర్థిక సంక్షోభంతో కొట్టుమిట్టాడుతున్న పాకిస్థాన్లో పెట్రోల్ ధరలు భగ్గుమంటున్నాయి. ఇరవై రోజుల క్రితమే లీటర్ పెట్రోల్పై రూ.60 పెంచిన ప్రభుత్వం మరోసారి రూ.24 వడ్డించింది. దీంతో లీటర్ పెట్రోల్ రూ.234కు చేరింది. రాయితీలను పూర్తిగా ఎత్తివేస్తున్నట్లు స్పష్టం చేసింది.

మరోసారి లవర్బాయ్గా చైతూ అదుర్స్..

కొత్త సినిమాల అప్డేట్లు వచ్చేశాయి. నాగ చైతన్య కథానాయకుడిగా నటిస్తున్న 'థ్యాంక్‌ యూ', కిరణ్‌ అబ్బవరం 'సమ్మతమే', సమంత 'యశోద' చిత్రాల విశేషాలు ఇందులో ఉన్నాయి.

For All Latest Updates

TAGGED:

telangana top news

తెలంగాణ వార్తలు

టాప్ న్యూస్

ABOUT THE AUTHOR

...view details