దూసుకొచ్చిన కారు... నలుగురికి గాయాలు

కారు అర్ధరాత్రి అతివేగంతో వచ్చి హల్​చల్​ చేసింది. వేగంగా దూసుకొచ్చి డీసీఎంను ఢీకొట్టి.. నలుగురిని ఆసుపత్రి పాలు చేసింది.

సికింద్రాబాద్​లోని బోయినపల్లి పోలీస్​స్టేషన్ పరిధిలో కారు దూసుకొచ్చింది. బాలరాయి నుంచి వస్తున్న క్రమంలో మూలమలుపు వద్ద అదుపుతప్పి ఒక్కసారిగా డివైడర్​పైకి వెళ్లి, డీసీఎంను ఢీకొట్టింది. కారులోని ముగ్గురు వ్యక్తులతోపాటు డీసీఎం డ్రైవర్​కు సైతం గాయాలయ్యాయి. క్షతగాత్రులను గాంధీ ఆసుపత్రికి తరలించారు. పోలీసులు కేసు దర్యాప్తు చేస్తున్నారు.

ఇదీ చదవండి: పసిప్రాయాన్ని కసిగా కాటేస్తోన్న సాంకేతికత..!