ఎంపీటీసీ, జడ్పీటీసీ ఎన్నికల్లో చిటికెన వేలికి సిరా గుర్తు

ఎంపీటీసీ, జడ్పీటీసీ ఎన్నికల్లో ఓటు వేసే వారికి ఎడమ చేయి చిటికెన వేలికి సిరా గుర్తు వేయనున్నారు. దీనిపై ఏపీ ఎన్నికల సంఘం అధికారులకు ఆదేశాలు జారీ చేసింది.

ఏపీవ్యాప్తంగా ఈ నెల 8న జరగనున్న ఎంపీటీసీ, జడ్పీటీసీ ఎన్నికల్లో ఓటు వేసే వారికి ఎడమ చేయి చిటికిన వేలికి సిరా గుర్తు వేయనున్నారు. ఇందుకు సంబంధించి రాష్ట్ర ఎన్నికల సంఘం అధికారులకు ఆదేశాలు జారీ చేసింది. ఇటీవల ముగిసిన పంచాయతీ ఎన్నికల్లో ఓటర్లకు ఎడమచేతి చూపుడు వేలికి సిరా వేశారు.

ఈ ప్రక్రియ జరిగి కొద్ది రోజులే అయిన కారణంగా.. చేతిపై సిరా గుర్తు ఇంకా చెడిపోయి ఉండదని అధికారులు భావించారు. ఈ క్రమంలో ఎడమ చేతి చిటికెన వేలును..సిరా గుర్తు వేయటానికి ఎన్నికల సంఘం నిర్ణయించింది. పోలింగ్ అధికారులకు ఇచ్చే శిక్షణలో ఈ విషయాన్ని ఉన్నతాధికారులు స్పష్టంగా వివరిస్తున్నారు.

ఇదీ చదవండి: 'ఉన్నత విద్యావంతులు వ్యవసాయంపై దృష్టి పెట్టాలి'