Tirumala: సిఫారసు లేఖల స్వీకరణ రద్దు: తితిదే

తిరుమల(Tirumala) శ్రీవారి ఆలయంలో రేపు సాలకట్ల ఆణివార ఆస్థానం ఉన్నకారణంగా వీఐపీ బ్రేక్‌ దర్శనాన్ని నిలిపివేస్తున్నట్లు తితిదే తెలిపింది. దీంతోపాటు తితిదేపై దుష్ప్రచారం చేసే వారిపై కఠిన చర్యలు తీసుకుంటామని హెచ్చరించింది.

తిరుమల శ్రీవారి ఆలయంలో శుక్రవారం రోజు సాలకట్ల ఆణివార ఆస్థానం ఉన్న కారణంగా గురువారం వీఐపీ బ్రేక్‌ దర్శనం సిఫారసు లేఖలను స్వీకరించమని తితిదే ఓ ప్రకటనలో తెలిపింది. భక్తులు ఈ విషయాన్ని గమనించి సహకరించాలని కోరింది.

తితిదేపై అసత్య ప్రచారం చేసేవారిపై కఠిన చర్యలు..
తితిదే వెబ్‌సైట్‌లోని తోమాల సేవను కొందరు వ్యక్తులు తోమస్‌ సేవగా మార్చి అసత్య ప్రచారం చేస్తున్నారని తితిదే ఓ ప్రకటనలో తెలిపింది. తితిదే ప్రతిష్ఠను దెబ్బతీసి, భక్తుల మనోభావాలకు భంగం కలిగించే ఇలాంటి కుట్రలను తీవ్రంగా పరిగణిస్తోందని.. ఇలాంటి చర్యలకు పాల్పడిన వారిపై చట్టపరమైన చర్యలు తీసుకుంటామని హెచ్చరించింది.

సామాజిక మాధ్యమాల్లో అసత్య ప్రచారం

ఇదీ చదవండి:Baby sale: పేగుబంధంతో హైడ్రామా? విక్రయించి.. అంతలోనే ఫిర్యాదు!