" పశు వైద్యురాలి హత్య సభ్యసమాజం తలదించుకునేలా చేసింది"

శంషాబాద్​లో సమీపంలో చోటుచేసుకున్న యువ పశు వైద్యురాలి హత్య ఘటనపై హిమాచల్ ప్రదేశ్​ గవర్నర్ బండారు దత్తాత్రేయ ఆవేదన వ్యక్తం చేశారు. ఈ వార్త విని తాను ఎంతో బాధ పడ్డానని తెలిపారు. రాష్ట్ర ప్రభుత్వం నేరస్థులను కఠినంగా శిక్షించాలని కోరారు.

యువ పశు వైద్యురాలిపై జరిగిన హత్య ఘటన సభ్యసమాజం తలదించుకునేలా చేసిందని హిమాచల్ ప్రదేశ్ గవర్నర్ బండారు దత్తాత్రేయ ఆవేదన వ్యక్తం చేశారు. ఈ ఘటనను తీవ్రమైన దుశ్చర్యగా భావిస్తున్నానని ఆయన పేర్కొన్నారు. ఇంతటి దారుణానికి ఒడిగట్టిన నిందితులపై కఠిన చర్యలు తీసుకోవాలని.. బాధిత కుటుంబానికి అండగా ఉండాలని రాష్ట్ర ప్రభుత్వాన్ని కోరారు.