రాష్ట్రంలో చలితీవ్రత బాగా పెరిగింది. రాత్రిపూట గణనీయంగా ఉష్ణోగ్రతలు పడిపోతున్నాయి. రాబోయే రెండు, మూడ్రోజులు శీతల గాలుల ప్రభావం ఎక్కువగా ఉంటుందని హైదరాబాద్ వాతావరణ కేంద్రం వెల్లడించింది. ఉత్తరాది, ఈశాన్య దిక్కుల నుంచి రాష్ట్రం వైపు గాలులు వీస్తున్నాయని తెలిపింది. ఈ ప్రభావం వల్ల పలు జిల్లాల్లో చలితీవ్రత విపరీతంగా పెరుగుతన్నట్లు తెలిపింది.
శీతలగాలులు
ఉమ్మడి ఆదిలాబాద్, నిజామాబాద్‌తోపాటు మెదక్, రంగారెడ్డి జిల్లాల్లో శీతల గాలుల ప్రభావం ఎక్కువ ఉంటుందని వివరించింది. ఈ జిల్లాల్లో 10 డిగ్రీల సెల్సియస్ కంటే తక్కువ ఉష్ణోగ్రతలు నమోదయ్యే అవకాశం ఉందని పేర్కొంది. ఇతర చోట్ల 3 నుంచి 4 డిగ్రీల ఉష్ణోగ్రతలు తక్కువగా నమోదయ్యే అవకాశం ఉందని వివరించింది.