MLC Banda Prakash oath: తెరాస నాయకుడు బండ ప్రకాశ్ ఎమ్మెల్సీగా ప్రమాణ స్వీకారం చేశారు. ఎమ్మెల్యే కోటాలో ఎమ్మెల్సీగా ఎన్నికైన ప్రకాశ్‌తో.. శాసనమండలి ప్రొటెం ఛైర్మన్ భూపాల్ రెడ్డి ప్రమాణ స్వీకారం చేయించారు.
ఏకగ్రీవంగా
ఎమ్మెల్యే కోటాలో ఎన్నికైన ఆరుగురు ఎమ్మెల్సీల్లో ఐదుగురు ఈ నెల 2 న ప్రమాణ స్వీకారం చేశారు. గుత్తా సుఖేందర్‌రెడ్డి, కడియం శ్రీహరి, పాడి కౌశిక్‌రెడ్డి, తక్కెళ్లపల్లి రవీందర్‌రావు, మాజీ ఐఏఎస్‌ అధికారి వెంకట్రామిరెడ్డి ప్రమాణస్వీకారం చేశారు. రాజ్యసభ సమావేశాల దృష్ట్యా ఆ రోజు బండ ప్రకాశ్ గైర్హాజరు అయ్యారు. కాగా రాజ్యసభ సభ్యత్వానికి ఎమ్మెల్సీ బండ ప్రకాశ్ అదే రోజు రాజీనామా చేశారు. రాజ్యసభ ఛైర్మన్‌కు తన రాజీనామాను సమర్పించారు. ఎమ్మెల్యే కోటాలో ఎమ్మెల్సీగా ఎన్నికవడంతో రాజ్యసభకు రాజీనామా చేశారు. దీంతో నేడు ఆయన.. ప్రమాణస్వీకారానికి హాజరై.. పదవీ బాధ్యతలు స్వీకరించారు.