ఇరాక్ నుంచి హైదరాబాద్​ చేరుకున్న​ తెలంగాణ బాధితులు

నకిలీ ఏజెంట్ల మోసంతో ఇరాక్​లో చిక్కుకున్న 16మంది హైదరాబాద్ చేరుకున్నారు. మంత్రి కేటీఆర్... భారత విదేశాంగ శాఖ సహాయంతో ఇరాక్ లోని రాయబార కార్యాలయాన్ని సంప్రదించి వారిని భారత్​కు తీసుకొచ్చేందుకు ఏర్పాట్లు చేశారు.

నకిలీ ఏజెంట్ల చేతిలో మోసపోయి ఇరాక్‌లో చిక్కుకున్న 16 మంది తెలంగాణవాసులు హైదరాబాద్‌ చేరుకున్నారు. బాధితులు తమ గోడును సామాజిక మాధ్యమాల్లో మంత్రి కేటీఆర్​కు విన్నవించుకున్నారు. స్పందించిన కేటీఆర్​ వారిని సొంత ప్రాంతాలకు తరలించేందుకు అవసరమైన అన్ని రకాల సహాయ, సహకారాలు అందించాలని అధికారులకు సూచించారు. ఇరాక్​లోని రాయబార కార్యాలయాన్ని సంప్రదించి వారిని భారత్​కు తీసుకొచ్చేందుకు ఏర్పాట్లు చేశారు. నకిలీ ఏజెంట్ల చేతిలో మోసపోయి మూడేళ్లుగా నరకయాతన అనుభవిస్తున్న వారు.. ఈ రోజు తెల్లవారుజామున 3గంటల ప్రాంతంలో శంషాబాద్​ చేరుకున్నారు.

తమ బాధను అర్థం చేసుకుని వెంటనే స్పందించి సహాయ సహకారాలు అందించిన మంత్రి కేటీఆర్​కు వారు కృతజ్ఞతలు తెలిపారు. వీరందరిని వారి స్వస్థలాలకు చేర్చేందుకు కూడా ప్రభుత్వాధికారులు సౌకర్యాలు కల్పించారు.

ఇవీ చూడండి:'వజ్ర'లను అమ్మే యోచనలో ప్రభుత్వం...!