తెలంగాణ

telangana

ETV Bharat / city

Telangana News Today: టాప్‌ న్యూస్ @7PM - ఇప్పటి వరకు ఉన్న ప్రధాన వార్తలు

ఇప్పటి వరకు ఉన్న ప్రధాన వార్తలు

7PM TOPNEWS

7PM TOPNEWS

By

Published : Aug 4, 2022, 6:58 PM IST

'ఆ బర్త్డే పార్టీ మనకు వార్నింగ్ బెల్.. గెలుపు కష్టమే'..

శాసనసభ ఎన్నికలు సమీపిస్తున్న వేళ కర్ణాటక రాజకీయాలు వేడెక్కుతున్నాయి. సిద్ధరామయ్య 75వ బర్త్డే పార్టీ వేదికగా కాంగ్రెస్ ఐక్యతారాగం ఆలపించగా.. భాజపా అప్రమత్తమైంది. ఇదే విషయంపై తన అభిప్రాయాల్ని అగ్రనేత అమిత్ షాకు మాజీ సీఎం యడియూరప్ప నిర్మొహమాటంగా చెప్పారని తెలిసింది.

భారతదేశ వ్యవస్థకే తెలంగాణ పోలీసు ఒక కలికితురాయి: సీఎం కేసీఆర్

దేశంలోనే ప్రతిష్ఠాత్మకంగా తీసుకొచ్చిన పోలీస్‌ కమాండ్‌ కంట్రోల్‌ కేంద్రాన్ని తెలంగాణ ముఖ్యమంత్రి కేసీఆర్ ప్రారంభించారు. ఈ కమాండ్‌ కంట్రోల్‌ కేంద్రం రూపకర్త డీజీపీ మహేందర్రెడ్డి అని తెలిపారు. భారతదేశ వ్యవస్థకే తెలంగాణ పోలీసు ఒక కలికితురాయి అని తెలిపారు.

మేనత్త కుటుంబాన్ని పరామర్శించిన జూనియర్ ఎన్టీఆర్

మూడు రోజుల క్రితం మరణించిన తన మేనత్త ఉమామహేశ్వరి కుటుంబాన్ని జూనియర్ ఎన్టీఆర్ పరామర్శించారు. సతీసమేతంగా వెళ్లి.. మేనత్త కుటుంబసభ్యులకు సానుభూతి తెలిపారు.

తెరాస, భాజపా శ్రేణుల మధ్య ఘర్షణ.. ఎందుకంటే?

కరీంనగర్ జిల్లాలో తెరాస, భాజపా నాయకుల మధ్య ఘర్షణ చోటుచేసుకుంది. హుజురాబాద్ నియోజకవర్గం అభివృద్దిపై చర్చకు రావాలని తెరాస ఎమ్మెల్సీ కౌశిక్‌రెడ్డి ఈటలకు సవాల్ విసిరారు. దీంతో ఇరువర్గాల మధ్య వివాదం నెలకొంది. పోలీసుల జోక్యంతో గొడవ సద్దుమణిగింది.

'కమిటీలు వేసి చేతులు దులుపుకోవటం కాదు.. ఆ పని చేయండి..'

ఏపీలోని అచ్యుతాపురం సెజ్ పరిశ్రమ ప్రమాద ఘటనపై తెలుగుదేశం అధినేత చంద్రబాబు ఆవేదన వ్యక్తం చేశారు. వైకాపా ప్రభుత్వం వచ్చాక.. విశాఖలోని ఎల్జీ పాలిమర్స్‌ మొదలుకుని.. పారిశ్రామిక ప్రమాదాలు జరగడం, కార్మికులు బలవ్వడం సాధారణమైపోయిందని ఆరోపించారు.

'అచ్యుతాపురం ఘటనకు కారణం ముమ్మాటికి వాళ్ల నిర్లిప్తతే..'

ఏపీలోని అచ్యుతాపురం సెజ్‌లో తరచూ ప్రమాదాలు జరగడం ఆందోళనకరమని జనసేన అధినేత పవన్‌కల్యాణ్‌ అన్నారు. ప్రజాప్రతినిధులు, అధికారుల నిర్లిప్తతే ఈ ఘటనకు కారణమని ఆరోపించారు. పారిశ్రామిక ప్రాంతాల్లో నివాసం ఉంటున్న ప్రజలు ఎప్పుడు, ఏ ప్రమాదం సంభవిస్తుందోనని.. ఏ విషవాయువు ప్రాణాలు తీస్తుందోనని భయపడుతున్నారని ఆందోళన వ్యక్తం చేశారు.

బోల్తా పడిన రైలు దగ్గర ఫొటో.. ఒకరు మృతి..

జలపాతం వద్ద ఫొటో దిగుతూ ఒకరు గల్లంతైన ఘటన తమిళనాడు దిండిగుల్లో జరిగింది. అప్రమత్తమైన అధికారులు సహాయక చర్యలు చేపట్టారు. బిహార్లో జరిగిన మరో ఘటనలో బోల్తా పడిన రైలు బోగీ వద్ద ఫొటో దిగుతున్న ఇద్దరు యువకులకు హైటెన్షన్ వైర్లు తగిలాయి.

చైనా దూకుడు.. తైవాన్ లక్ష్యంగా క్షిపణుల ప్రయోగం

అమెరికా ప్రతినిధుల సభ స్పీకర్ నాన్సీ పెలోసీ తైవాన్ పర్యటనపై చైనా తీవ్ర ఆగ్రహంతో ఉంది. ఇప్పటికే తైవాన్ భూభాగం చుట్టూ సైనిక విన్యాసాలను ప్రారంభించిన చైనా పీపుల్స్ లిబరేషన్ ఆర్మీ.. తైవాన్ ఈశాన్య, నైరుతి ప్రాంత జలాల్లో డాంగ్ఫెంగ్ బాలిస్టిక్ క్షిపణులను ప్రయోగించింది. ఈ విషయాన్ని తైవాన్ రక్షణశాఖ సైతం ధ్రువీకరించింది.

అమెజాన్లో 'ప్రెషర్ కుక్కర్' కొన్నారా? అయితే బీ అలర్ట్!

ప్రముఖ ఈ-కామర్స్ వెబ్సైట్ అమెజాన్లో ప్రెషర్ కుక్కర్ కొన్నారా? అయితే.. ఈ సమాచారం మీకోసమే. నాణ్యత సరిగా లేని కుక్కర్లు అమ్మినందుకు అమెజాన్కు సెంట్రల్ కన్స్యూమర్ ప్రొటెక్షన్ అథారిటీ జరిమానా వేసింది. కస్టమర్లను స్వయంగా సంప్రదించి, ఆ కుక్కర్లను వెనక్కి తెప్పించాలని ఆదేశించింది.

టీమ్ఇండియా నయా 'స్వింగ్ క్వీన్'..

కామన్వెల్త్ గేమ్స్‌లో ఆడుతున్న భారత మహిళల క్రికెట్ జట్టు బౌలర్ రేణుకా సింగ్ ఠాకూర్.. తన సూపర్ ఫామ్తో ఆకట్టుకుంటోంది. హిమాచల్‌ ప్రదేశ్కు చెందిన ఈ ప్లేయర్ టీమ్ఇండియా విజయాల్లో కీలక పాత్ర పోషిస్తోంది. ప్రత్యర్థి బ్యాటర్లకు అర్థంకాని పజిల్‌‌గా మారి, వికెట్లను తన ఖాతాలో వేసుకుంటుంది.

For All Latest Updates

TAGGED:

Telangana News Today

ఇప్పటి వరకు ఉన్న ప్రధాన వార్తలు

7PM టాప్‌ న్యూస్

ABOUT THE AUTHOR

...view details