తెలంగాణ

telangana

ETV Bharat / city

Telangana Top News: టాప్ న్యూస్ @ 5PM - 5PM టాప్ న్యూస్

ఇప్పటి వరకు ఉన్న ప్రధాన వార్తలు

5PM

5PM

By

Published : Jul 5, 2022, 4:58 PM IST

ఐదో టెస్టులో ఇంగ్లాండ్ విజయం- భారత్తో సిరీస్ సమం

బర్మింగ్‌హామ్‌ వేదికగా జరిగిన ఐదో టెస్ట్లో భారత్పై ఇంగ్లాండ్ విజయం సాధించింది. భారత్‌పై 7 వికెట్ల తేడాతో స్టోక్స్ సేన గెలిచింది. దీంతో సిరీస్ 2-2తో సమమైంది. భారత్ తొలి ఇన్నింగ్స్‌లో 416, రెండో ఇన్నింగ్స్‌ 245 పరుగులు చేసింది. ఇంగ్లాండ్ తొలి ఇన్నింగ్స్‌లో 284, రెండో ఇన్నింగ్స్‌లో మూడు వికెట్లు నష్టపోయి.. 378 పరుగులు చేసిన సునాయసంగా విజయాన్ని అందుుకుంది.

ఏపీపై కేఆర్ఎంబీకి తెలంగాణ ఫిర్యాదు..

ఏపీపై కృష్ణా నదీ యాజమాన్య బోర్డుకు తెలంగాణ ఫిర్యాదు చేసింది. ప్రకాశం బ్యారేజీ దిగువన 2 ఆనకట్టల నిర్మాణ ప్రతిపాదనపై అభ్యంతరం వ్యక్తం చేసింది. ఈ మేరకు కేఆర్ఎంబీ ఛైర్మన్‌కు ఈఎన్‌సీ మురళీధర్ రెండు లేఖలు రాశారు.

'కాంగ్రెస్ ఏ ఒక్కరి సొత్తు కాదు..'

పీజేఆర్ తనయుడు విష్ణువర్ధన్రెడ్డి ఇంట్లో విందు సమావేశానికి కాంగ్రెస్ సీనియర్ నేతలు హాజరయ్యారు. విందు అనంతరం మీడియా మాట్లాడిన నేతలు.. విష్ణువర్ధన్రెడ్డి పార్టీ మారుతున్నట్లు వస్తున్న వార్తలను ఖండించారు. చివరివరకు కాంగ్రెస్తోనే ఉంటారని స్పష్టం చేశారు.

'విష్ణువర్ధన్‌ నన్ను కూడా లంచ్‌కు పిలిచాడు.. కానీ'

దిల్లీలో ఏఐసీసీ ప్రధాన కార్యదర్శి కేసీ వేణుగోపాల్‌తో రేవంత్ రెడ్డి, భట్టి విక్రమార్క, మాణిక్కం ఠాగూర్ భేటీ అయ్యారు. తెలంగాణలో పార్టీ నేతల తీరు, తిరుగుబాటు ధోరణిపై చర్చించారు.

సర్పదోషం ఉంది.. శాంతి చేయాలని రూ.₹37 లక్షలు స్వాహా

అమాయకులను మోసగిస్తున్న నకిలీ బాబాల ముఠాను రాచకొండ పోలీసులు అరెస్టు చేశారు. రాజస్థాన్‌కు చెందిన ఏడుగురిని అదుపులోకి తీసుకున్నారు. జబ్బులు నయం చేస్తామని మోసాలకు పాల్పడుతున్నట్లు సీపీ మహేశ్ భగవత్ తెలిపారు.

రాహుల్ గాంధీపై ఆ వీడియోలు..

న్యూస్ యాంకర్ రోహిత్ రంజన్పై ఛత్తీస్గఢ్లో కేసు నమోదైంది. రాహుల్ గాంధీపై నకిలీ వీడియోల వ్యవహారంలో అతడిని అరెస్టు చేసేందుకు యూపీలోని గాజియాబాద్ వెళ్లారు. దీనిని అడ్డుకున్న యూపీ పోలీసులు.. యాంకర్ను తమతో తీసుకెళ్లారు. దీంతో హైడ్రామా నెలకొంది.

రాజ్యాంగంపై మంత్రి వివాదాస్పద వ్యాఖ్యలు..

భారత రాజ్యాంగం దోపిడీని సమర్థిస్తూ, దేశ ప్రజలను మోసం చేసే విధంగా రాశారని ఆరోపించారు కేరళ మంత్రి సాజి చెరియన్. ఈ వ్యాఖ్యలపై అభ్యంతరం తెలిపిన ప్రతిపక్షాలు.. మంత్రిని తక్షణమే బర్తరఫ్ చేయాలని డిమాండ్ చేశాయి. ఈ వాదనను అధికార సీపీఎం తోసిపుచ్చింది.

ప్రముఖ వాస్తు సిద్ధాంతి హత్య.. సీఎం సీరియస్

ప్రముఖ వాస్తు సిద్ధాంతి హత్యకు గురి కావడం.. కర్ణాటకలో కలకలం రేపింది. ఓ హోటల్ రిసెప్షన్లో ఆయన్ను ఇద్దరు దుండగులు కిరాతకంగా పొడిచి చంపారు.

భారత ఫ్యాన్స్పై జాత్యహంకార వ్యాఖ్యలు..

టీమ్ఇండియా-ఇంగ్లాండ్ మధ్య జరుగుతున్న మ్యాచ్లో భారత అభిమానుల పట్ల పలువురు జాతి విద్వేష వ్యాఖ్యలు చేయడంపై ఇంగ్లాండ్ క్రికెట్ బోర్డు అప్రమత్తమైంది. దీనిపై విచారణ చేయించి చర్యలు చేపడతానని చెప్పింది.

' మీరు ఇంత దిగజారడం బాధగా ఉంది'..

'ఆర్ఆర్ఆర్' సినిమాపై అస్కార్ గ్రహీత.. రసూల్ పూకుట్టి చేసిన సంచలన వ్యాఖ్యలపై 'బాహుబలి' నిర్మాత శోభు యార్లగడ్డ స్పందించారు. 'మీ లాటి స్థాయి ఉన్న వాళ్లు ఇంత దిగజారడం బాధగా ఉంది' అంటూ.. గట్టి కౌంటర్ ఇచ్చారు.

For All Latest Updates

TAGGED:

Telangana Top News

5PM టాప్ న్యూస్

ABOUT THE AUTHOR

...view details