Telangana RTC Income Per Day : ఛార్జీల పెంపుదలకు ముందే తెలంగాణ ఆర్టీసీ అధికారులు అదనపు వడ్డింపులు చేపట్టారు. వీటి ద్వారా ప్రస్తుతం వస్తున్న ఆదాయానికి అదనంగా రోజుకు సుమారు రూ.కోటికి పైగా సమకూరనుంది. గడిచిన అయిదు నెలలుగా పెండింగ్‌లో ఉన్న ఛార్జీల పెంపుదల దస్త్రమూ కదులుతున్నట్లు సమాచారం.
Telangana RTC Income : చిల్లర సమస్యను అధిగమించేందుకు అధికారులు ఛార్జీలను సవరించారు. ఉదాహరణకు రూ.11 గా ఉన్న ఛార్జీని రూ.10గా, రూ.13గా ఉన్న మొత్తాన్ని రూ.15గా రౌండాఫ్‌ చేశారు. జాతీయ రహదారుల సంస్థ టోల్‌ ఛార్జీలను పెంచనప్పటికీ ఆ పేరుతో, రక్షణ ఛార్జీల పేరుతో ఒక రూపాయిని అధికారులు పెంచారు. ఈ రెండింటి ద్వారా ఆర్టీసీకి పెద్దమొత్తంతో అదనపు ఆదాయం రానుంది. ప్రస్తుతం రోజుకు సగటున రూ.12 కోట్ల ఆదాయం వస్తోంది. తాజా వడ్డనలతో రూ.13 కోట్లు దాటుతుందని అధికారుల అంచనా.