రాష్ట్రంలో కొత్తగా 318 కరోనా కేసులు నమోదయ్యాయి. తాజా కేసులతో కలిపి రాష్ట్రంలో ఇప్పటి వరకు 6,59,007 మంది కరోనా బారిన పడ్డారు. 389 మంది వైరస్ నుంచి కోలుకున్నారు. ఇప్పటివరకు మహమ్మారి నుంచి కోలుకున్న వారి సంఖ్య 6,49,391 మందికి చేరింది. తాజాగా కరోనాతో ఇద్దరు మృతి చెందారు. ఇప్పటి వరకు 3,880 మంది మహమ్మారికి బలయ్యారు. ప్రస్తుతం రాష్ట్రంలో 5,736 యాక్టివ్ కేసులు ఉన్నాయి.
పెరిగిన పాజిటివిటీ రేటు
గడిచిన 24 గంటల్లో 71,829 మందికి పరీక్షలు నిర్వహించారు. ఇంకా 1,420 మంది రిపోర్ట్స్ రావల్సి ఉంది. ఇప్పటివరకు 2,48,48,181 మందికి నిర్ధరణ పరీక్షలు చేశారు. ప్రస్తుతం పాజిటివిటీ రేటు 0.58 శాతం, రికవరీ రేటు 98.54 శాతంగా ఉంది. 21 నుంచి 40 ఏళ్ల మధ్య ఉన్నవారే ఎక్కువగా వైరస్ బారిన పడుతున్నారు. 24 జిల్లాలో పదిలోపే కేసులు నమోదయ్యాయి. అత్యధికంగా హైదరాబాద్లో 82 మందికి వైరస్ సోకింది.