'ఎవరూ చేయని అభివృద్ధిని సీఎం కేసీఆర్ చేసి చూపిస్తున్నారు '

స్వాతంత్య్రం అనంతరం ఏ పార్టీ చేయని అభివృద్ధి తెలంగాణ రాష్ట్రంలో కేసీఆర్​ సర్కార్ చేసిందని రాష్ట్ర కార్మిక శాఖ మంత్రి మల్లారెడ్డి అన్నారు. హైదరాబాద్​ కేపీహెచ్​బీ కాలనీలో 300 మంది కార్యకర్తలకు కండువా కప్పి తెరాసలోకి ఆహ్వానించారు.

తెలంగాణలో ఉన్న అభివృద్ధి భాజపా పాలిత ప్రాంతాల్లో లేదని రాష్ట్ర మంత్రి మల్లారెడ్డి అన్నారు. సీఎం కేసీఆర్, మంత్రి కేటీఆర్​లు పరిశ్రమల ఏర్పాటుకు తీసుకువచ్చిన విధానాలతో ఎన్నో బహుళజాతి కంపెనీలు తెలంగాణలో పెట్టుబడులు పెడుతున్నాయని తెలిపారు. హైదరాబాద్​ మహానగరాన్ని ఐటీ రంగంలో నంబర్ వన్ స్థానంలో నిలిపిన ఘనత కేటీఆర్​దేనని చెప్పారు.

హైదరాబాద్​ కేపీహెచ్​బీలో పర్యటించిన మంత్రి మల్లారెడ్డి.. వివిధ పార్టీలకు చెందిన 300 మంది కార్యకర్తలకు గులాబీ కండువా కప్పి పార్టీలోకి ఆహ్వానించారు. రానున్న ఎన్నికల్లో ప్రత్యర్థి పార్టీలకు డిపాజిట్లు దక్కకుండా చేస్తామని ధీమా వ్యక్తం చేశారు.

• ఇదీ చదవండి :దేశాభివృద్ధి కోసం అన్ని రంగాల్లో మార్పులు: మోదీ