జూన్‌ 6వరకు రాష్ట్రంలో న్యాయవ్యవస్థ లాక్‌డౌన్‌

రాష్ట్రంలో న్యాయ వ్యవస్థ లాక్‌డౌన్ జూన్ 6 వరకు హైకోర్టు పొడిగించింది. అత్యవసర కేసులు వీడియోకాన్ఫరెన్స్ ద్వారా విచారణ చేపట్టాలని జిల్లా కోర్టులకు ఉత్తర్వులు జారీ చేసింది. కోర్టుల్లో మాస్కులు, శానిటైజేషన్ వంటి జాగ్రత్తలు తీసుకోవాలని పేర్కొంది.

రాష్ట్రంలోని న్యాయస్థానాల లాక్ డౌన్ జూన్ 6 వరకు పొడిగిస్తూ హైకోర్టు ఉత్తర్వులు జారీ చేసింది. హైకోర్టు, జిల్లా, మేజిస్ట్రేట్ కోర్టుల్లో జూన్ 6 వరకు కేసుల విచారణ కొనసాగదని ఉన్నత న్యాయస్థానం పేర్కొంది. అత్యవసర కేసుల విచారణ ఆన్ లైన్​లో కొనసాగించాలని పేర్కొంది.

హైదరాబాద్, రంగారెడ్డి జిల్లా కోర్టులు మినహా మిగతా కోర్టుల్లో పిటిషన్లను ఆన్ లైన్​తో పాటు నేరుగా దాఖలు చేసుకునేందుకు హైకోర్టు అనుమతి ఇచ్చింది. కోర్టుల్లో మాస్కులు, శానిటైజేషన్ వంటి జాగ్రత్తలు తీసుకోవాలని జిల్లా న్యాయాధికారులను ఆదేశించింది. కలెక్టర్ల సహకారంతో కోర్టుల పరిసరాలను పరిశుభ్రంగా ఉంచాలని.. క్రిమి సంహారక మందులు చల్లించాలని తెలిపింది.

ఇదీ చదవండి:ప్రపంచం అబ్బురపడే ప్రాజెక్టు కాళేశ్వరం :కేసీఆర్