వేతన సవరణ అమలు ప్రక్రియ ఇంకా పూర్తి కాకపోవడంతో ప్రభుత్వ ఉద్యోగులకు ఈ నెల కూడా పాత వేతనాలనే అందనున్నాయి. ఒక్కో ఉద్యోగికి సంబంధించిన అన్ని అంశాలను పరిగణలోకి తీసుకుని వేతనస్కేలు, భత్యాలను ప్రభుత్వం ఖరారు చేయాల్సి ఉంటుంది. ఆ దిశగా ఆర్థికశాఖ ఇప్పటికే ఆదేశాలు జారీ చేసింది.
సమయం పట్టే అవకాశం
పెరిగిన వేతనాలు, వాటి వివరాలతో ఆర్థికశాఖ ప్రత్యేకంగా కంప్యూటర్ ప్రోగ్రాంను రూపొందించింది. ఉద్యోగులు తమకు సంబంధించిన ప్రతిని డౌన్‌లోడ్ చేసుకుని పరిశీలించి సంతకం చేసి ఇవ్వాలి. ఆ తర్వాత మిగతా ప్రక్రియను పూర్తి చేయాల్సి ఉంటుంది. ఎవరికైనా అభ్యంతరాలు ఉంటే వాటిని పరిష్కరించాలి. అందుకోసం కొంత సమయం పట్టే అవకాశం ఉంది.