దివ్వాంగ క్రీడాకారులకు పారా స్పోర్ట్స్ అకాడమీ

దివ్వాంగులైన క్రీడాకారుల కోసం ఆసియాలోనే మొదటిసారిగా అత్యాధునిక పారా స్పోర్ట్స్​ రిహాబిలిటేషన్​, ట్రైనింగ్​ అకాడమీ హైదరాబాద్​లో ప్రారంభమైంది. ఈ కార్యక్రమానికి ప్రభుత్వ ముఖ్య కార్యదర్శి ఎస్కే జోషి, సినీ నటి మంచు లక్ష్మీ ముఖ్య అతిథులుగా హాజరయ్యారు.

దివ్వాంగులకు చేయూత అందించేందుకు క్రీడల్లో వారి స్వీయ ఎదుగుదలకు కృషి చేస్తున్న ఆదిత్య మెహతా ఫౌండేషన్ ఆసియాలోనే మొట్టమొదటి అత్యాధునిక పారా స్పోర్ట్స్ పునరావాసం, శిక్షణ అకాడమీని ప్రారంభించింది. ఇన్ఫినిటీ పారా స్పోర్ట్స్ అకాడమీ రిహాబిలిటేషన్ సెంటర్​ను బేగంపేటలోని మెహత అపార్ట్​మెంట్​లో ప్రభుత్వ ముఖ్య కార్యదర్శి ఎస్కే జోషి, సినీ నటి మంచు లక్ష్మీ ప్రారంభించారు.

అంగవైకల్యం ఉన్న ప్రతిభావంత క్రీడాకారులకు ఈ అకాడమీ ఎంతగానో సహాయ పడుతుందని వారు అన్నారు. సంస్థ స్ఫూర్తి, నిబద్ధత ఎంతో గొప్పదని కొనియాడారు. ఐదు వేల చదరపు గజాల స్థలంలో ప్రతి పేద క్రీడాకారులకు అవసరమైన అన్ని మౌలిక వసతులను కల్పిస్తున్నట్లు ఆ సంస్థ నిర్వాహకులు తెలిపారు. దివ్వాంగ క్రీడాకారులను తన సొంత కుటుంబంగా భావిస్తున్ననట్లు సంస్థ నిర్వాహకులు ఆదిత్య మెహతా అన్నారు.

ఇదీ చూడండి: సమ్మెపై హైకోర్టులో ఆర్టీసీ అదనపు కౌంటర్