KCR reaction on lockdown: లాక్​డౌన్​పై సీఎం కేసీఆర్​ కీలక ప్రకటన

21:07 January 03

రాష్ట్రంలోని అన్ని విద్యాసంస్థలకు సెలవులు: సీఎం కేసీఆర్​

KCR reaction on lockdown: రాష్ట్ర వైద్యారోగ్యశాఖ మంత్రి హరీశ్​రావు, ఆ శాఖ ఉన్నతాధికారులతో సీఎం కేసీఆర్​ సమావేశమయ్యారు. కరోనా పరిస్థితులు, ఒమిక్రాన్ వ్యాప్తి తదితర అంశాలపై ఉన్నతస్థాయి సమీక్ష నిర్వహించారు. ఇందులో భాగంగా రాష్ట్రంలోని అన్ని విద్యాసంస్థలకు ఈనెల 8 నుంచి 16 వరకు సెలవులు ఇవ్వాలని ఆదేశించారు. ఉన్నత స్థాయిలో సమీక్షలో.. సీఎం కేసీఆర్​కు వైద్యాధికారులు నివేదిక ఇచ్చారు. కరోనా వ్యాప్తి దృష్ట్యా గుంపులుగా ఉండరాదని నివేదికలో పేర్కొన్నారు. బహిరంగ సభలు, ర్యాలీలు లేకుండా చర్యలు తీసుకోవాలని నివేదికలో కోరారు.

లాక్​డౌన్​పై సీఎం కేసీఆర్​..

ప్రస్తుతం లాక్‌డౌన్‌ అక్కర్లేదని అధికారులు నివేదిక ఇచ్చారని చెప్పిన కేసీఆర్​.. కరోనా దృష్ట్యా ప్రభుత్వాస్పత్రుల్లో మౌలిక వసతులు పటిష్టం చేయాలని ఆదేశించారు. ఆస్పత్రుల్లో పడకలు, పరీక్ష కిట్లు, మందులు సమకూర్చుకోవాలని స్పష్టం చేశారు. మిగతా నగరాల్లో బస్తీ దవాఖానాల ఏర్పాటుచేయాలని నిర్ణయం తీసుకున్నారు. ఈ సందర్భంగా ప్రతిఒక్కరూ మాస్కు తప్పనిసరిగా ధరించాలని సూచించారు.

ఇవీచూడండి:Telangana Covid Cases: మళ్లీ పెరుగుతున్న కేసులు... ఇవాళ 482 మందికి పాజిటివ్