టెట్ అభ్యర్థులకు శుభవార్త.. నేడే ఫలితాలు విడుదల

TET results:టెట్ అభ్యర్థులకు శుభవార్త. జూన్​లో నిర్వహించిన టెట్​ పరీక్ష ఫలితాలు నేడు విడుదల కానున్నాయి. ఇవాళ ఉదయం పదకొండున్నర గంటల నుంచి వెబ్‌సైట్‌లో అందుబాటులో ఉంటాయని టెట్ కన్వీనర్ రాధారెడ్డి తెలిపారు.

TET results: ఉపాధ్యాయ అర్హత పరీక్ష-టెట్ ఫలితాలు నేడు విడుదల కానున్నాయి. ఇవాళ ఉదయం పదకొండున్నర గంటల నుంచి వెబ్‌సైట్‌లో అందుబాటులో ఉంటాయని టెట్ కన్వీనర్ రాధారెడ్డి తెలిపారు. గత నెల 27నే ఫలితాలు వెల్లడిస్తామని నోటిఫికేషన్‌లో పేర్కొన్నప్పటికీ... ప్రకటించలేకపోయారు. గత నెల 12న జరిగిన పరీక్షల్లో పేపర్-1కు 3 లక్షల 18 వేల 506 మంది.. పేపర్-2కి 2 లక్షల 51 వేల 70 మంది హాజరయ్యారు.

ప్రాథమిక సమాధానాలపై వేల సంఖ్యలో అభ్యంతరాలు వచ్చాయి. పేపర్-1పై 7 వేల 930.. పేపర్-2పై 4 వేల 663 అభ్యంతరాలు వచ్చాయి. రెండు రోజుల క్రితం తుది కీ విడుదల చేశారు. ఫలితాలను www.tstet.cgg.gov.in అప్ లోడ్ చేయనున్నట్లు కన్వీనర్ తెలిపారు.

ఇవీ చదవండి: