స్నేహలత హత్యపై జాతీయ మానవ హక్కుల కమిషన్​కు ఏపీతెదేపా ఫిర్యాదు

ఏపీలోని అనంతపురం జిల్లా ధర్మవరం యువతి హత్య ఘటనపై జాతీయ మానవ హక్కుల కమిషన్, జాతీయ ఎస్సీ కమిషన్ , జాతీయ మహిళా కమిషన్​లకు తెదేపా ఫిర్యాదు చేసింది. ఏపీలో మహిళలకు రక్షణ కల్పించడంలో ప్రభుత్వం, పోలీసు వ్యవస్థ నిర్లక్ష్యంగా వ్యవహరిస్తున్నాయని ఫిర్యాదులో పేర్కొంది.

ఏపీలోని అనంతపురం జిల్లా ధర్మవరంలో స్నేహలత హత్యపై జాతీయ మానవ హక్కుల కమిషన్, జాతీయ ఎస్సీ కమిషన్ , జాతీయ మహిళా కమిషన్​లకు తెదేపా మహిళా అధ్యక్షురాలు వంగలపూడి అనిత ఫిర్యాదు చేశారు. వైకాపా అధికారంలోకి వచ్చాక మహిళలపై దాడులు, ఆత్యాచారాలు పెరిగిపోయాయని ఆరోపించారు.

ఏపీలో మహిళలకు రక్షణ కల్పించడంలో ప్రభుత్వం, పోలీసు వ్యవస్థ నిర్లక్ష్యంగా వ్యవహరిస్తున్నాయని ఫిర్యాదులో పేర్కొన్నారు. బాధిత మహిళల ఫిర్యాదులపై పోలీసులు చర్యలు తీసుకోవడం లేదని, స్నేహలతకు రక్షణ కల్పించడంలో ప్రభుత్వం దారుణంగా విఫలమైందని ఆగ్రహం వ్యక్తం చేశారు. పోలీసులకు ఫిర్యాదు చేసినా సకాలంలో స్పందించలేదని అనిత ఫిర్యాదులో పేర్కొన్నారు.

• ఇదీ చదవండి:స్నేహలత కుటుంబంలో ఒకరికి ప్రభుత్వ ఉద్యోగం