ఇంటర్ ఫలితాల్లో అవకతవకల వల్ల ఆత్మహత్య చేసుకున్న విద్యార్థుల కుటుంబాలకు రాష్ట్ర మంత్రులు భరోసా కల్పిస్తున్నారు. సికింద్రాబాద్లోని బన్సీలాల్పేట్లో ఇంటర్లో ఫెయిలై బలవన్మరణానికి పాల్పడ్డ అనామిక కుటుంబాన్ని రాష్ట్ర సినిమాటోగ్రఫీ మంత్రి తలసాని శ్రీనివాస్ యాదవ్ పరామర్శించారు. విద్యార్థిని కుటుంబ సభ్యులకు సానుభూతి తెలియజేశారు. విద్యార్థులు తొందరపడి ఇలాంటి నిర్ణయాలు తీసుకోవడం సరికాదని అన్నారు. బాధిత కుటుంబాలను ప్రభుత్వం అన్ని విధాలా ఆదుకుంటుందని భరోసానిచ్చారు. రాజకీయ పక్షాలు అనవసర రాద్ధాంతం చేస్తున్నాయని విమర్శించారు.
ఇంటర్ విద్యార్థిని కుటుంబాన్ని పరామర్శించిన మంత్రి తలసాని శ్రీనివాస్