ఓయూలో వీధి దీపాలు ఏర్పాటు
హైదరాబాద్ ఉస్మానియా యూనివర్సిటీ లేడీస్ హాస్టల్ సమీపంలో నూతనంగా ఏర్పాటుచేసిన వీధి దీపాలను వర్సిటీ ఇన్ఛార్జి వైస్ ఛాన్సలర్ అరవింద్ కుమార్ ప్రారంభించారు. కార్పొరేట్ సోషల్ రెస్పాన్సిబిలిటీ(సీఎస్ఆర్) కింద ఇండోషియన్ ఇంజినీర్స్ అసోసియేట్స్ 10 లక్షల వ్యయంతో ఓయూలో 25 వీధిదీపాలను ఏర్పాటు చేసింది. సీఎస్ఆర్ కింద వీధి దీపాలను ఏర్పాటు చేయడం శుభపరిణామమని అరవింద్కుమార్ అన్నారు. ఓయూలో వసతుల కల్పనకు ప్రథమ ప్రాధాన్యం ఇస్తున్నామని ఆయన పేర్కొన్నారు. ఈ కార్యక్రమంలో రిజిస్ట్రార్ ప్రొఫెసర్ గోపాల్ రెడ్డి పాల్గొన్నారు.