వర్ధన్ బ్యాంక్ అక్రమాలతో తనకు ఎటువంటి సంబంధం లేదని శ్రీశైలం ఎమ్మెల్యే శిల్పా చక్రపాణి రెడ్డి అన్నారు. నంద్యాల పార్లమెంట్ వైకాపా ఎస్సీ సెల్ అధ్యక్షుడు బాలన్న పిలవడం వల్లే ఆత్మకూరులో వర్ధన్ బ్యాంకు బ్రాంచ్ ప్రారంభోత్సవానికి వెళ్లినట్లు ఎమ్మెల్యే తెలిపారు. ఆ కార్యక్రమంలో వారు మాట్లాడాలని కోరితేనే మాట్లాడినట్లు చెప్పారు. అయినా మోసపోయిన వాళ్లంతా వైకాపా వాళ్లేనని పేర్కొన్నారు.
ఈ వివాదానికి కారణమైన వైకాపా ఎస్సీ సెల్ అధ్యక్షుడు బాలన్నను పార్టీ నుంచి సస్పెండ్ చేస్తున్నట్లు తెలిపారు. వర్ధన్ బ్యాంకు అక్రమాల్లో ఎంతటి వారి పాత్ర ఉన్నా.. చట్టపరమైన చర్యలు తీసుకోవాలని ఎస్పీని కోరినట్లు ఎమ్మెల్యే శిల్పా చక్రపాణి రెడ్డి తెలిపారు.