Junior Linemen Exam: "అక్రమాలకు పాల్పడితే డిస్మిస్ చేస్తాం.."

Malpractice in Junior Linemen Exam: జూనియర్ లైన్​మెన్ పరీక్షల్లో జరిగిన అవకతవకలపై ఎస్పీడీసీఎల్ సీఎండీ రఘుమారెడ్డి స్పందించారు. మాల్​ ప్రాక్టీస్​కు పాల్పడ్డ నలుగురిపై క్రిమినల్​ కేసులు నమోదు చేశామని.. విధుల నుంచి కూడా తొలగించామన్నారు.

Malpractice in Junior Linemen Exam: జూనియర్ లైన్​మెన్ పరీక్షల్లో అవకతవకలు జరిగాయనే ఆరోపణలపై ఎస్పీడీసీఎల్ సీఎండీ రఘుమారెడ్డి స్పందించారు. ఎస్పీడీసీఎల్​లో జూనియర్ లైన్​మెన్ పోస్టుల భర్తీ కోసం జులై 17న రాత పరీక్షలు నిర్వహించారు. ఈ పరీక్షలో విద్యుత్ సంస్థలకు చెందిన ఐదు మంది ఉద్యోగులు కుట్ర, దురాలోచనతో మాల్​ప్రాక్టీస్​కు పాల్పడ్డారనే కారణంతో వారి మీద క్రిమినల్ కేసులు నమోదు చేసినట్లు రఘుమారెడ్డి వెల్లడించారు.

ఎస్పీడీసీఎల్​లో పని చేస్తున్న మలక్​పేట ఏడీఈ లైన్స్ మహమ్ముద్ ఫిరోజ్ ఖాన్, విద్యానగర్ లైన్​మెన్​ సపావత్ శ్రీనివాస్​ను విధుల నుంచి తొలగించారు. రేతిబౌలి సెక్షన్​లో ప్రైవేట్ మీటర్ రీడర్​గా పని చేస్తున్న కేతావత్ దస్రు అలియాస్ దశరథ్​ను కూడా ఉద్యోగం నుంచి తొలగించారు. ఎంపీడీసీఎల్​లో పని చేస్తున్న జగిత్యాల సబ్​ఇంజినీర్ షేక్ సాజన్, మిర్యాలగూడలో ఏడీఈ షిఫ్ట్​​గా పనిచేస్తున్న మంగళగిరి సైదులును సస్పెండ్ చేసినట్లు ఎస్పీడీసీఎల్ సీఎండీ రఘుమారెడ్డి తెలిపారు. భవిష్యత్తులో సంస్థలో పనిచేసే ఉద్యోగులు ఎవరైనా ఇలాంటి అక్రమాలకు పాల్పడితే వారిపై కఠిన చర్యలు తీసుకోవడంతో పాటు ఉద్యోగం నుంచి కూడా తొలగిస్తామని స్పష్టం చేశారు.

ఇవీ చూడండి: