హైదరాబాద్లోని రాష్ట్ర మానవ హక్కుల కమిషన్లో మహబూబ్నగర్ జిల్లాకు చెందిన దంపతులు ఫిర్యాదు చేశారు. మంత్రి శ్రీనివాస్ గౌడ్ అతని సోదరుడు శ్రీకాంత్ గౌడ్ నుంచి తమకు ప్రాణహాని ఉందని ఫిర్యాదులో పేర్కొన్నారు. మంత్రి శ్రీనివాస్ గౌడ్పై 2018 ఎన్నికల సమయంలో ఓ కేసు విషయంలో సాక్షిగా ఉన్న తమపై కక్ష కట్టిన మంత్రి అతని సోదరుడు అక్రమ కేసులు పెట్టి తీవ్ర వేధింపులకు గురిచేస్తున్నారని బాధితులు విశ్వనాధ రావు, పుష్పలత ఆరోపించారు.
స్థానిక రూరల్ సీఐ మహేశ్వర్ను అర్ధరాత్రి ఇంటి పైకి పంపి భయబ్రాంతులకు గురి చేయిస్తున్నారని ఆందోళన వ్యక్తం చేశారు. నూతనంగా నిర్మించే తమ ఇంటి నిర్మాణాన్ని అడ్డుకోవడమే కాకుండా... ఓ ప్రైవేటు సంస్థలో పని చేస్తున్న తమ ఇద్దరి ఉద్యోగాలను కూడా మంత్రి తీసివేయించి... కుటుంబాన్ని వీధిన పడేశారని వారు ఆవేదన వ్యక్తం చేశారు. ఇప్పటికైనా తమకు ప్రాణారక్షణ కల్పించాలని డిమాండ్ చేశారు. తమను ఇదే విధంగా వేధిస్తే మంత్రి శ్రీనివాస్ గౌడ్ , అతని సోదరుడు శ్రీకాంత్ గౌడ్ పేర్లను లేఖలో రాసి పోలీస్ స్టేషన్ ముందు ఆత్మహత్య చేసుకుంటామని తెలిపారు.