బొగ్గుకు డిమాండ్‌ పెరుగుతున్నందున... నిర్దేశిత లక్ష్యాలు సాధించాలని సింగరేణి ఏరియా మేనేజర్లను సీఎండీ శ్రీధర్ ఆదేశించారు. సింగరేణి భవన్లో డైరక్టర్లు, సలహాదారులు, ఏరియా జీఎంలతో... వీడియో కాన్ఫరెన్స్ ద్వారా సమావేశమై లక్ష్యాలు నిర్దేశించారు. ఈ నెలలో రోజుకు లక్ష 30వేల టన్నులు, వచ్చే నెలలో లక్ష 50వేల టన్నులు.. నవంబరులో లక్ష 60వేల నుంచి లక్ష 80వేల టన్నుల బొగ్గు ఉత్పత్తి, రవాణ జరగాలన్నారు.
రోజుకు లక్ష టన్నులకుపైగా బొగ్గు ఉత్పత్తి చేయాలి: సీఎండీ - సింగరేణి అధికారులతో సీఎండీ శ్రీధర్ సమీక్ష
హైదరాబాద్ సింగరేణి భవన్లో సింగరేణి అధికారులతో... సీఎండీ శ్రీధర్ సమావేశమయ్యారు. రాబోయే మూడు నెలల్లో ఉత్పత్తి చేయాల్సిన బొగ్గు, దాని రవాణాకు సంబంధించి... లక్ష్యాలు నిర్దేశించారు.
రోజుకు లక్ష టన్నులకుపైగా బొగ్గు ఉత్పత్తి చేయాలి: సీఎండీ
ఓపెన్‌ కాస్ట్‌ గనుల్లో ఓబీ తవ్వకాలు మరింత పెరగాలని.. రోజుకు 13 లక్షల క్యూబిక్‌ మీటర్ల ఓబీని తొలగించాలని ఆదేశించారు. రామగుండం-1 ఏరియాలో ప్రారంభించనున్న జీడీకే-5 ఓసీ గనికి... అనుమతుల ప్రక్రియ పూర్తి చేసి జనవరిలో ఉత్పత్తి ప్రారంభమయ్యేలా ఏర్పాట్లు చేయాలన్నారు. ఉత్పత్తి అయిన బొగ్గు పూర్తిగా రవాణా జరిగేలా మార్కెటింగ్‌ శాఖ కృషి చేయాలని ఆదేశించారు. సింగరేణి ఏరియాల్లో కరోనా నివారణ చర్యలు చేపట్టినట్టు శ్రీధర్ తెలిపారు.