Sajjanar travelled in bus: టీఎస్ఆర్టీసీ ఎండీ సజ్జనార్ ఎప్పటికప్పుడు తన మార్కు ప్రవర్తనతో అందరి దృష్టిని ఆకర్షిస్తున్నారు. ఆర్టీసీ ఎండీగా బాధ్యతలు స్వీకరించినప్పటి నుంచి.. ఆ సంస్థ అభ్యున్నతి కోసం సజ్జనార్ అన్ని రకాలుగా ప్రయత్నిస్తున్నారు. ఆర్టీసీపై ప్రజల్లో ఇప్పటికే ఉన్న అపోహలను తొలగించి మరింత ఆదరణ తీసుకొచ్చేలా తానే స్వయంగా రంగంలోకి దిగి.. ప్రగతి రథాలను పరుగులు పెట్టిస్తున్నారు. అప్పుడప్పుడు స్వయంగా బస్సు ప్రయాణం చేస్తూ.. ప్రయాణికులను ఆశ్చర్యపరుస్తున్నారు.
tsrtc bus day: ఆర్టీసీ సంస్థకు సంబంధించిన పరిపాలన విభాగపు అధికారులు, ఉద్యోగులు ప్రతి గురువారం 'బస్డే'గా పాటించి అందరూ బస్సులలోనే ప్రయాణించాలని ఇటీవలే సజ్జనార్ ఆదేశాలు జారీ చేశారు. ఈ మేరకు ఇవాళ ఆయననే స్వయంగా బస్సులో ప్రయాణించి మిగతా ఉద్యోగులకు ఆదర్శంగా నిలిచారు. గురువారం సందర్భంగా బస్డే పాటించిన సజ్జనార్.. తన నివాసం నుంచి లక్డీకాపూల్‌ మీదుగా టెలిఫోన్భవన్‌ వరకు కాలినడకన వచ్చారు. అక్కడి బస్స్టాప్లో కాసేపు సమయం గడిపారు. తానెవరో తెలియకుండా బస్స్టాప్లో తనతోపాటు ఉన్న ప్రయాణికులతో మాటకలిపారు. బస్సుల సమయపాలన, సిబ్బంది ప్రవర్తన పని తీరు, బస్సులలో శుభ్రత, కార్గో సేవలపై అభిప్రాయాలను అడిగి తెలుసుకున్నారు.