Ram Gopal Varma comments on Bheemla Nayak Trailer: వివాదాలు వైఫైలా చుట్టూ తిప్పుకునే సంచలన దర్శకుడు రామ్గోపాల్ వర్మ తాజాగా మరోసారి సామాజిక మాధ్యమాల్లో షాకింగ్ పోస్ట్ పెట్టారు. తాజాగా విడుదలై రికార్డులు బద్దలుగొడుతున్న 'భీమ్లా నాయక్' మూవీ ట్రైలర్పై వర్మ సంచలన వ్యాఖ్యలు చేశాడు.
'భీమ్లా నాయక్' ట్రైలర్ చూశాక.. డేనియల్ శేఖర్ అని పిలవాలనిపిస్తుందని ట్విట్టర్లో రాసుకొచ్చాడు. దగ్గుబాటి రానాని ప్రమోట్ చేసేందుకు పవన్ కల్యాణ్ను వాడుకున్నారని.. పవన్ అభిమానిగా తాను హర్ట్ అయ్యానని మరో ట్వీట్ చేశాడు. పవన్ కల్యాణ్ను 'భీమ్లా నాయక్' ట్రైలర్తో, దగ్గుబాటి రానాని పూర్తి సినిమాతో పోలుస్తూ మరో సంచలన ట్వీట్ చేశాడు ఆర్జీవీ. బాహుబలి సినిమాతో రానా దగ్గుబాటి నార్త్లో పాపులర్ అయ్యాడని.. అందువల్ల ఈ సినిమాలో పవన్ను విలన్ అని అక్కడి అభిమానులు పొరబడే అవకాశం ఉందని.. నిర్మాతలు ఇంత నిర్లక్ష్యంగా ఎలా ఉన్నారని సంచలన కామెంట్స్ చేశాడు.