భారీ వర్షం.. జలమయమైన లోతట్టు ప్రాంతాలు

శుక్రవారం సాయంత్రం హైదరాబాద్​లో కురిసిన భారీ వర్షానికి సరూర్​నగర్​ జలమయమైంది. రోడ్లపైకి భారీగా నీరు చేరి... కాలనీ వాసులు, వాహనదారులు తీవ్ర ఇబ్బందులు పడ్డారు. వర్షం పడ్డ ప్రతిసారి చెరువులా మారి పోతుందని స్థానికులు ఆవేదన వ్యక్తం చేస్తున్నారు.

హైదరాబాద్​లో శుక్రవారం సాయంత్రం కురిసిన వర్షానికి... సరూర్​నగర్​ చెరువు కింద ఉన్న లోతట్టు ప్రాంతాలు జలమయమయ్యాయి. గడ్డి అన్నారం , కోదండరాం నగర్ కాలనీ, బృందావనం కాలనీ, పీఅండ్​టీ కాలనీ, చైతన్యపురి , కమలానగర్, సైదాబాద్ డివిజన్, రెడ్డి కాలనీల్లో భారీగా వరద నీరు చేరింది.

రోడ్లపైకి భారీగా నీరు చేరడం వల్ల కాలనీ వాసులు, వాహనదారులు తీవ్ర ఇబ్బందులు పడ్డారు. నీటి ప్రవాహానికి ద్విచక్రవాహనాలు సైతం కొట్టుకుపోయాయి. సరూర్​నగర్​లో వర్షం పడ్డ ప్రతిసారి లోతట్టు ప్రాంతాలు చెరువును తలపిస్తున్నాయి. వర్షం తగ్గిన చాలాసేపటికి కూడా వరద ప్రవాహం తగ్గడం లేదని స్థానికులు ఆవేదన వ్యక్తం చేస్తున్నారు.

ఇదీ చూడండి:భాగ్యనగరం అతలాకుతలం... లోతట్టు ప్రాంతాలు జలమయం