RAIN EFFECT IN MANIKONADA AND RAJANDRANAGAR: హైదరాబాద్ నగరంలో నిన్న కురిసిన భారీ వర్షాలకు పలు కాలనీలలోని అపార్టుమెంట్లు నీట మునిగాయి. మణికొండ పంచవటి కాలనీలోని ఓ అపార్టుమెంట్ సెల్లార్లోకి నీరు చేరింది. అందులో ఉన్న కార్లు, బైక్లు నీట మునిగిపోయాయి. మోటార్ల సాయంతో అపార్టుమెంట్ దిగువన ఉన్న నీటిని బయటకు పంపిస్తున్నారు. రహదారులపై కూడా నీరు చేరడంతో పాదచారులు, వాహనదారులు తీవ్ర అవస్థలు పడ్డారు.
నగరంలో నిన్న అసలు ఎడతెరుపు లేకుండా ముంచేత్తిన వర్షానికి ప్రజలు బయటకు రావడానికి ఇబ్బందిపడ్డారు. రహదారుల వెంబడి నడవడానికి ఎక్కడ ఏ మ్యాన్ హోల్ ఉంటుందో, గతుకలు ఉంటాయో అన్న భయంతో బయటకు రావడమే మానేశారు. రోడ్లు అన్ని వర్షపు మయం అయ్యాయి. ఎటు చూసిన వర్షపు నీరే కనిపించడంతో స్థానికులు భయాందోళనలకు గురైయ్యారు. నగర ప్రజలు, వాహనాదారులు తీవ్ర ఇబ్బందులు ఎదుర్కొన్నారు. రహదారులపై భారీగా వరద చేరడంతో రోడ్లన్నీ చెరువులను తలపించాయి.