టీఎస్ఎస్పీడీసీఎల్ ఎదుట విద్యుత్ ఉద్యోగుల ఆందోళన

హైదరాబాద్​లోని టీఎస్ఎస్పీడీసీఎల్ కార్యాలయం ఎదుట విద్యుత్ ఉద్యోగులు ఆందోళనకు దిగారు. తమ సమస్యలను పరిష్కరించాలంటూ డిమాండ్ చేశారు.

విద్యుత్ శాఖలో పనిచేస్తున్న ఆర్టిజన్ ఉద్యోగులకు ఏపీఎస్‌ఈబీ సర్వీసు రూల్స్ అమలు చేయాలంటూ తెలంగాణ రాష్ట్ర విద్యుత్ ఉద్యోగుల సంఘం డిమాండ్​ చేసింది. హైదరాబాద్​లోని టీఎస్ఎస్పీడీసీఎల్ కార్యాలయం ఎదుట ఉద్యోగులు ఆందోళకు దిగారు. సబ్ స్టేషన్​లలో ఖాళీలను వెంటనే పూర్తి చేయాలని కోరారు.

కాంట్రాక్ట్​ కార్మికులకూ ఏపీఎస్‌ఈబీ సర్వీసు రూల్స్ వర్తింపజేయాలని సంఘం ప్రధాన కార్యదర్శి శ్రీధర్.. ప్రభుత్వానికి విజ్ఞప్తి చేశారు. ప్రభుత్వం నుంచి సరైన స్పందన లేకుంటే ఉద్యమం ఉద్ధృతం చేస్తామని హెచ్చరించారు. ఫిబ్రవరి 22న మొదలైన నిరసనలు.. ఈ నెల 18న ఛలో విద్యుత్ సౌధతో పూర్తవనున్నట్లు తెలిపారు.

ఇదీ చదవండి:వైఎస్‌ తలపెట్టిన ప్రాజెక్టులను ప్రభుత్వం పట్టించుకోలేదు: షర్మిల