హైదరాబాద్ పట్టణ శివారులో విజయవాడ హైవేకు ఆనుకుని ఉన్న మహవీర్ హరిణి వనస్థలి పార్క్ను కొందరు అమ్మకానికి పెట్టడం కలకలం సృష్టిస్తోంది. రాష్ట్ర అటవీ శాఖ చెందిన 4వేల ఎకరాల్లో 1994 సంవత్సరంలో జింకల పార్క్ను నిర్మించగా దానికి జాతీయ పార్క్ హోదా కల్పించారు. 1996లో దానికి ప్రహరీ గోడను నిర్మించారు. అప్పటికే అందులోని 2,400 ఎకరాల భూమి మాదేనంటూ హైకోర్టులో పిటిషన్ దాఖలు చేశారు. అటవీ అధికారులకు, పిటిషనర్లకు మధ్య జరిగిన వివాదంలో ధర్మాసనం ఆ వివాద స్థలం అటవీ శాఖకే చెందుతుందని తీర్పునిచ్చింది.
అమ్మకానికి మహవీర్ హరిణ జాతీయ పార్క్! - hyderabad national park property issue
హైదరాబాద్ శివార్లలో ఉన్న మహవీర్ జింకల పార్క్లోని భూమి అమ్మకంపై కలకలం రేగుతోంది. పార్క్ పరిధిలోని 2,400 ఎకరాల భూమి తమదేనంటూ కొందరు స్టాంప్ పేపర్ పత్రాలు సృష్టించి అమ్ముతున్న నోటరీ పేపర్లు ఆందోళన కలిగిస్తున్నాయి.
అమ్మకానికి మహవీర్ హరిణి జాతీయ పార్క్!
తాజాగా 2019 ఆగస్టులో యూసఫ్ ఖాన్, వాసం తులసమ్మ అలియాస్ సుల్తానా పేరుపై సర్వే నెం 7లోని 2400 ఎకరాలు తమవేనంటూ స్టాంప్ పేపర్లు సృష్టించారు. వీటిపై పూర్తి హక్కుదారులం తామేనంటూ పేర్కొన్నారు. వీటిలోని కొంత భూమి చొప్పున అమ్మకానికి పెడుతున్న స్టాంప్ పత్రాలు ప్రస్తుతం సర్వత్రా కలకలం సృష్టిస్తున్నాయి. దీనిపై చర్యలు తీసుకోవాలంటూ అధికారులు కోరుతున్నారు.
ఇవీ చూడండి:'టిండర్‌' ఎఫెక్ట్‌: స్నేహం పేరుతో మోసం చేసిన హైటెక్‌ కిలాడి
Last Updated : Feb 20, 2020, 3:38 PM IST